İran dünən (sentyabrın 3-də) Moskvanın 2020-ci il noyabr 10-da Azərbaycan və Ermənistan arasında atəşkəs razılaşması çərçivəsində Zəngəzur dəhlizinin açılması öhdəliyi əsasında Rusiya səfirini çağırdığını açıqlayıb. Görünür, sözügedən dəhliz Rusiya-İran müttəfiqliyini narahat edir.

İran Xarici İşlər Nazirliyinin (XİN) bəyanatında İranın xarici işlər nazirinin müavini və Avrasiya məsələlərinə cavabdeh Müctəba Dəmirçilo Rusiya səfiri Aleksey Dedova bildirib ki, Tehran regional sülh və sabitliyi dəstəkləyir və beynəlxalq səviyyədə tanınmış sərhədlər və geosiyasi status-kvonun hər hansı dəyişikliyinə qarşıdır. Bəyanatda “İki diplomat Qafqazda baş verən hadisələrlə bağlı fikir mübadiləsi aparıblar”, – qeyd olunub. O da vurğulanıb ki, milli suverenliyə, ərazi bütövlüyünə və dövlətlərin ümumi maraqlarına hörmət davamlı sülh və regional əməkdaşlığın təminatçısıdır.

İran XİN-in Rusiya səfiri ilə danışarkən tonunu yumşaltmağa çalışması diqqət çəkib. Bununla belə, digər tərəfdən, İranın bu addımı Rusiya xarici işlər naziri Sergey Lavrovun sentyabrın 2-də verdiyi bəyanata cavab olaraq atıb. Belə ki, Rusiyanın XİN rəhbəri iki gün əvvəl Sergey Lavrovun Azərbaycanı təcrid olunmuş Naxçıvan bölgəsi ilə birləşdirən Zəngəzur dəhlizinin açılmasını ehtiva edən atəşkəs müddəalarının ləng həyata keçirilməsinə görə Ermənistan rəhbərliyini tənqid etmişdi.

Sergey Lavrovun Tehrandakı çıxışı birbaşa Bakının mövqelərini dəstəkləməsi və bu razılaşmaları özünün ticari və iqtisadi maraqlarının pozulması kimi qiymətləndirən Tehranın etirazlarına məhəl qoymamaq kimi şərh edilib.