Həftə sonu Romanın şimalında, Rieti şəhəri yaxınlığında antifaşist karnavalında baş nazir və ifrat sağçı İtaliya Qardaşları (FdI) lideri Corca Meloninin faşist salamı verən heykəli yandırılıb.

Sözügedən maketin Poggio Mirtetoda karnavalda alovlanan görüntülərində insanların “Hamımız faşizmə qarşıyıq” şüarları səsləndirdiyi görünür.

Sosial media platformalarında tez-tez yayılan görüntülərdən sonra hadisəni pisləyən və Meloni ilə həmrəylik ifadə edən mesajlar paylaşılıb.

***

Parlamentin yuxarı palatası olan Senatın prezidenti İqnazio La Russa baş nazirə yaxınlığını ifadə edərək, “Corca Meloni təsvir edən manekenin yandırılması yalnız nifrətə səbəb olan və heç bir əsası olmayan çirkin və təhlükəli bir hərəkətdir”, – deyib.

Baş nazirin müavini və xarici işlər naziri Antonio Tacani də “X” platformasında, “Bu qəbul edilməz bir hərəkətdir Pocco Mirtetoda baş verən o alçaq hadisəyə görə Baş nazir Meloni ilə tam həmrəyliyimi bildirirəm”, – deyib.

Meloninin FdI partiyasından olan senator Lusio Malan, hadisənin “son dərəcə pis zövqün məhsulu və  müxtəlif siyasi xadimlərin bəyanatları ilə qızışdırılan nifrət mühitinin nəticəsi”, – adlandırıb.

Avropa Parlamentinin ana müxalifətdəki Demokratik Partiyasından (PD) olan üzvü Stefano Bonaccini də baş nazir Meloni ilə həmrəyliyini ifadə edərək, meydanlarda heykəllərin və ya bayraqların yandırılmasının qəbuledilməz olduğunu bildirib.

Bəzi sosial şəbəkə istifadəçiləri də faşizmə qarşı olduqlarını, lakin belə bir hərəkəti qəbul etmədiklərini bildiriblər.

Ölkədəki bəzi siyasi şərhçilərə görə, 2022-ci il seçkilərində qalib gələn FdI lideri Corca Meloni İkinci Dünya müharibəsindən sonra ölkədə ən sağçı hökuməti formalaşdırıb.