Dünya mətbuatı həbs edilən və vəzifəsi dayandırılan İstanbul Böyükşəhər Bələdiyyəsinin (İBB) sədri Əkrəm İmamoğlu ilə bağlı baş verənləri yaxından izləməyə davam edir.

İngiltərənin “The Guardian” qəzetinin dərc etdiyi təhlildə İmamoğlunun seçki qutusunda prezident Rəcəb Tayyib Ərdoğana meydan oxuya biləcək yeganə siyasətçiyə çevrildiyi və onun həbsdən daha da güclü çıxa biləcəyi şərh edilir.

Qeyd olunur ki, İmamoğlunun həbsi məmləkəti Trabzonda da reaksiya doğurub və Cümhuriyyət Xalq Partiyasının (CHP) təşkil etdiyi “Ədalətin Nəzarəti” aksiyasına çoxlu sayda insan qatılıb.

Təhlildə prezidentin ailəsinin də Rizəli olduğuna və onun seçici bazasının Qara dəniz bölgəsində güclü olduğuna diqqət çəkilir və İmamoğlu bu bölgədən aldığı dəstəklə “Ərdoğana rəqib siyasətçiyə çevrilib”.

Məqalədə 1994-1998-ci illər arasında İstanbul Böyükşəhər Bələdiyyəsinin sədri vəzifəsində çalışmış Ərdoğanın 1999-cu ildə həbsxanaya göndərilməsi prosesi də xatırladılır və İmamoğlunun həbsinin uzun müddətdə hökumətə əks nəticə verə biləcəyi deyilir.

London Universitetinin Şərq və Afrika Araşdırmaları Məktəbindən (SOAS) Ziya Meralın açıqlamasında, “Ərdoğan tez-tez “İstanbulu qazanan ölkə qazanır” ifadəsini işlədir və bu, onun öz siyasi karyerasının inkişafını əks etdirir. Bu o deməkdir ki, İstanbul bələdiyyə başqanı kimi yaxşı iş görə bilsəniz, xalqın etimadını qazanıb onlara xidmət edə bilsəniz, ümummilli zəfər daha çox mümkündür. İmamoğlunun da belə bir xüsusiyyəti var”, – deyib.

Meral deyib ki, İmamoğlunun siyasi kampaniyanın qurbanı kimi görünməsi hətta müxalifətə yaxın olmayanlar arasında da CHP siyasətçisinə dəstəyi artıra bilər.

Amerikanın “Politico” jurnalistika təşkilatının təhlili də iddia edir ki, İmamoğlunun həbsi ilə Türkiyə tam avtokratiyaya doğru kəskin dönüş edib.

Məqalədə Ərdoğanın “məhkəmə və hüquq-mühafizə orqanlarından istifadə edərək ana müxalifətə və onun tərəfdarlarına qarşı görünməmiş hücuma keçdiyi” şərhi paylaşılır.

İmamoğlu çərşənbə günü saxlanılandan bəri Türkiyənin bir çox şəhərində qadağalara baxmayaraq geniş etiraz aksiyaları keçirildiyi və bu dəstəyin 2028-ci ildə keçirilməsi planlaşdırılan seçkilərdə siyasətçinin əlini gücləndirə biləcəyi bildirilir. Məqalədə keçmiş prezident Abdulla Gülün İmamoğlunun saxlanması ilə bağlı dediyi sözlər də xatırlanır. Gül açıqlamasında “Prezident Rəcəb Tayyib Ərdoğana və mənə edilən haqsızlıqları ictimai vicdanla necə qəbul etmədiyini xatırlayaq. Xalqın iradəsi ilə bələdiyyə sədri seçilən Əkrəm İmamoğluna qarşı da oxşar səhvlərə yol verilməməlidir”, – deyib.

İBB araşdırmaları İstanbul Baş Prokurorluğu tərəfindən İmamoğlu və daha 99 şübhəli şəxsə qarşı “cinayətkar təşkilatın lideri olmaq”, “cinayət təşkilatına üzv olmaq”, “qəsb”, “rüşvətxorluq”, “ağır fırıldaqçılıq”, “qanunsuz olaraq şəxsi məlumatların əldə edilməsi” və “tender saxtakarlığı” cinayətləri ilə bağlı istintaq davam edir.

Bundan əlavə, İmamoğlu, İstanbul Böyükşəhər Bələdiyyəsinin baş katibinin müavini Mahir Polad və Şişli Bələdiyyə Başçısı Rəsul Əmrah Şahan da daxil olmaqla 7 şübhəli barəsində “PKK/KCK terror təşkilatına yardım etmək” ittihamı ilə istintaq davam edir.

İmamoğlu “terror” istintaqı səbəbilə həbsdən azad edilərkən, bazar günü korrupsiya istintaqı çərçivəsində həbs edilib.

Bundan başqa, Şişli Bələdiyyə Başçısı Rəsul Əmrah Şahan və Bəylikdüzü Murad Çalık da həbs edilib, Şişli Bələdiyyəsinə müvəkkil təyin edilib.

Həbslərin həyata keçirildiyindən bəri (19 mart) İBB binasının yerləşdiyi Saraçxanada etiraz aksiyaları keçirir. Daxili işlər naziri Ali Yerlikayanın dünənki paylaşımında etirazlar zamanı 1133 nəfərin saxlanıldığı bildirilib.