Tehran və Vaşinqton arasında gərginlik yenidən artdıqca, tərəflər yeni nüvə razılaşmasına nail ola bilməsə, İran lideri Əli Xameneyi prezident Donald Trampın təhdidləri reallaşarsa, ABŞ-a güclü zərbə vuracağı barədə xəbərdarlıq edib. Fitr bayramı namazında çıxış edən Xameneyi İrana qarşı təhdidlərin davam etdiyini, lakin xaricdən düşmən hərəkəti ehtimalının az olduğunu gördüyünü deyib: “Amerika ilə sionist varlıq arasında düşmənçilik həmişə olub... Əgər onlar (bizə) hər hansı bir zərər versələr, bunun müqabilində mütləq güclü bir sillə alacaqlar”.

Xameneyi daxili iğtişaşlarla bağlı qorxularını dilə gətirib: “Əgər onlar (İsrail və Amerika) son bir neçə ildə etdikləri kimi ölkə daxilində ixtilaf yaratmağı düşünsələr, İran xalqı keçmişdə olduğu kimi onlara qarşı duracaq”.

İranın Baş Qərargahı xəbərdarlıq edib ki, “hər hansı bir təhdid qətiyyətli cavab, gücləndirilmiş güc və aqressiv yanaşma ilə qarşılanacaq”. İran İnqilabı Keşikçiləri Korpusunun (SEPAH) raket bölməsinin komandiri Əmir Əli Hacızadə, “Amerikalıların İranı əhatə edən bölgədə ən azı 10 bazası və 50 min əsgəri var ki, bu da onların evinin şüşədən olması deməkdir”, – deyib.

Tehran İsveçrə səfirliyinin ABŞ-ın maraqlarını təmsil edən müvəqqəti işlər vəkilini çağırıb və xəbərdarlıqlarını rəsmi şəkildə çatdırıb.