İranın nüvə və hərbi obyektlərinin ABŞ-İsrail tərəfindən bombardman edilməsi reallaşa bilər. Qeyd edim ki, İranın 9-10 nüvə obyekti var. Buşəhr və Natan nüvə obyektlərində Uranın zənginləşdirlməsi prosesi həyata keçirilir. Ümumilikdə İranda təxminən 100-dən çox iri hərbi obyekt mövcuddur, o cümlədən:

Quru qoşunları bazaları – təxminən 50

Hərbi hava bazaları – təxminən 20

Hərbi dəniz bazaları – təxminən 10

Raket və strateji obyektlər – 20-dən çox

Nüvə və elmi-tədqiqat mərkəzləri –10

Bundan əlavə, İranda yeraltı hərbi obyektlər, silah istehsalı zavodları və SEPAH-a (İslam İnqilabı Keşikçiləri Korpusuna) məxsus gizli bazalar var ki, onların dəqiq sayı məlum deyil.

Bombardmanın reallaşacağı təqdirdə İrandan Azərbaycana qaçqın axını gözlənilmir. Ona görə ki, hərbi və nüvə obyektləri əhalinin yaşadığı ərazilərdən kənarda yerləşir. Digər tərəfdən bu ildırım sürətli (blitskriq) hücum olacaq. Maksimum 2-3 gün, ya da bir həftə  çəkə bilər. Bu önəmli hərbi hədəflərin sayından asılıdır. ABŞ və İsrailin İranla yerüstü müharibə aparmaq şansları isə sıfıra bərabərdir.