Kanadanın Baş naziri Mark Karni, ABŞ Prezidenti Donald Trampın açıqladığı tarif artımları çərçivəsində Kanadaya tətbiq olunacaq 25 faiz avtomobil tariflərinə cavab verəcəklərini söylədi.

Karni Ottavada keçirdiyi mətbuat konfransında Trampın bütün ticarət tərəfdaşlarına “qarşılıqlı tariflər” çərçivəsində elan etdiyi yeni tariflərdən danışıb.

Baş nazir ABŞ prezidentinin açıqladığı tarif artımları çərçivəsində Kanadaya tətbiq olunacaq 25 faizlik avtomobil tariflərinə cavab verəcəklərini ifadə edərək, “Bu tədbirləri istəmədən alırıq”, – deyib.

Karni bildirib ki, tədbirlər “ABŞ-da maksimum, Kanadada isə minimum təsir göstərmək” üçün hazırlanacaq.

Trampdan fərqli olaraq Kanadanın ABŞ-dan idxal edilən avtomobil hissələrinə tarif tətbiq etməyəcəyini açıqlayan Karni, tariflərin öz vətəndaşlarına verəcəyi potensial zərər səbəbiylə ABŞ rəhbərliyinin sonunda kursunu dəyişəcəyini vurğulayıb.

“Onların siyasətləri Amerika ailələrinə zərər verəcək. Bu, Kanadaya, eləcə də ABŞ-ın digər tərəfdaşlarına meydan oxumaqdır”, –  Mark Karni deyib.

Trampın yeni tarif planı Prezident Tramp ABŞ-ın digər ölkələrə qarşılıqlı tariflər tətbiq edəcəyini və baza tarif dərəcəsinin yüzdə 10 olacağını açıqlamışdı.

Trampın dünən imzaladığı sərəncamda ABŞ-ın bir çox ticarət tərəfdaşlarına tariflərin tətbiqi daxildir.

Bunlar arasında Çinə 34 faiz, Avropa Birliyinə 20 faiz, Vyetnama 46 faiz, Tayvana 32 faiz, Yaponiyaya 24 faiz, Hindistana 26 faiz və Azərbaycana və Türkiyəyə yüzdə 10 qarşılıqlı tariflərin tətbiqi planlaşdırılır.