Los-Ancelesdə bir göydələndə yaşayan Türkiyə vətəndaşı sosial media hesabında şəhərə nifrət etdiyini açıqlayıb.

Məzmunu “Bir az həqiqət” başlığı ilə paylaşan universitet tələbəsi şəhər haqqında kəskin ifadələr işlədib: “Hər kəsə salam. Mən Los-Ancelesdə göydələndə yaşayıram. Amma bu şəhəri sevmirəm. Bəs niyə bura nifrət edirəm?

Mən 30-cu mərtəbədəyəm və balkonumdan Los-Ancelesin məşhur binalarının mənzərəsi var. Yəqin ki, Los-Ancelesdəki hər hansı bir filmdə görə biləcəyiniz binalar. Binada 3 hovuz, 3 sauna, 3 mətbəx, hər bir şey var.

Amma binadan bayıra çıxan kimi can təhlükəsizliyim yoxdur. Neçə dəfə demək olar ki, hücuma məruz qalmışam? Küçə heç vaxt təhlükəsiz deyil. Çünki burada çoxlu evsizlər var, küçələr çox çirklidir və üfunət iylənir.

Polis helikopterləri daim sizi yuxunuzdan oyadır, çünki daim cinayətlər törədilir. Binalar iç-içədir. O qədər izdihamlıdır ki, heç parkinq yeri yoxdur. Maşınla heç yerə gedə bilməzsiniz.

Hava qaraldıqdan sonra çölə çıxıb gəzməyin mənası yoxdur, çünki bu çox təhlükəlidir. Los-Ancelesdə, bəlkə şəhərin mərkəzində gəzə bilərsiniz”.