Alman pivəsi artıq 10 il əvvəlki kimi xaricdə məşhur deyil. Federal Statistika İdarəsi bildirib ki, pivə ixracı ötən il 2014-cü illə müqayisədə 6 faiz azalıb. Almaniyanın özündə də eyni dövrdə tələbin azalması daha da böyük olub, 15,1 faiz təşkil edib.

***

Rəqəmlərə görə, 2014-cü ildə 1,54 milyard litr olan pivə ixracı, 2024-cü ildə təxminən 1,45 milyard litr olaraq reallaşıb. Əvvəlki ildə bunun yüzdə 56-dan az hissəsi Avropa Birliyinə üzv ölkələrin payına düşüb. Daxili pivə tələbatı ixracdan daha kəskin azaldığından, 2014-2024-cü illər arasında ixracın ümumi satışlarda payı 16,1 faizdən 17,6 faizə yüksəlib.

Almaniyada pivə zavodlarının sayı 10 illik müqayisədə 7,4 faiz artıb. Bununla belə, 2023-cü illə müqayisədə bu rəqəm azalıb. Statistika idarəsinin məlumatına görə, pivə zavodlarının sayı 2019-cu ildə pik həddə çatıb və o vaxtdan bəri azalmaqda davam edir. 2024-cü ildə ölkədə 1459 pivə zavodu var idi.