Sinqapurda keçirilən tədbirdə çıxış edən Avstraliyanın müdafiə naziri Pekin administrasiyasından hərbi potensialın artırılması ilə bağlı şəffaflıq və əminlik gözlədiklərini bildirib.

Riçard Marles Çini “niyə belə qeyri-adi hərbi birləşməyə ehtiyacları olduğunu” izah etməyə çağırıb.

BBC-nin məlumatına görə, bunun region üçün “fundamental məsələ” olduğunu qeyd edən Marles Pekin administrasiyasının izahat verməli olduğunu bildirib. Filippinin müdafiə naziri Cilberto Teodoro da Çinin Cənubi Çin dənizindəki hərəkətlərinin son dərəcə məsuliyyətsiz və ehtiyatsız olduğunu bildirib.

Sinqapurda Beynəlxalq Strateji Araşdırmalar İnstitutu (IISS) tərəfindən təşkil edilən “Şanqri-La Dialoq” forumunda ABŞ-ın müdafiə naziri Pit Heqset də Çinin Hind-Sakit Okean regionunda qüvvələr balansını dəyişmək üçün hərbi gücdən istifadə etməyə etibarlı şəkildə hazırlaşdığını və Çinin Tayvanı ələ keçirmə cəhdinin yalnız Tayvanı ələ keçirmə cəhdinin yalnız statistik nəticələrə gətirib çıxara bilməyəcəyini bildirib.

Çin bu açıqlamalara “Odla oynamayın” sözləri ilə cavab verib. Çin hələ Marles və ya Teodoronun açıqlamalarına cavab verməyib.

***

Avstraliya, Filippin və ABŞ rəsmiləri Sinqapurda keçirilən “Şanqri-La Dialoq” tədbirində Çini tənqid ediblər. Həm ABŞ, həm də Çin adətən tədbirdə iştirak etsə də, Çin bu il tədbirə daha aşağı səviyyəli nümayəndə heyəti göndərməyi seçdi. Nəticədə tədbirdə Çinə qarşı tənqidlər qabardılıb.

Avstraliyanın müdafiə naziri Marles yerli vaxtla səhər saatlarında açıqlama verərək, “Çində gördüyümüz şey, İkinci Dünya müharibəsindən sonra hər hansı bir ölkənin hərbi potensialı və güclənməsində ən böyük artımdır”, – deyib.

Hərbi potensialın artırılmasının digər ölkələri narahat edən yeganə məsələ olmadığını ifadə edən Avstraliyalı nazir, “Bu, strateji təminat olmadan həyata keçirilir. Bu, Çin tərəfindən heç bir strateji məqsəd olmadan edilir. Bizim görmək istədiyimiz şey, Çinin strateji şəffaflıq və strateqik təminatla təmin olunmaqla yanaşı, niyə belə fövqəladə hərbi güclənməyə ehtiyac duyduqlarını anlamaqdır”.