“İsrail Hərbi Hava Qüvvələri Tehran səmasında hökmranlıq edir. Bu, bütün əməliyyat konsepsiyasını dəyişən vəziyyətdir. Biz iki məqsədə nail olmaq yolundayıq: Nüvə təhlükəsini və raket təhlükəsini aradan qaldırmalıyıq”.

İsrailin baş naziri Benyamin Netanyahu müdafiə naziri İsrael Katz və baş qərargah rəisi general-leytenant Herzi Halevi ilə birlikdə İsrail Hərbi Hava Qüvvələrinin Tel Nof bazasını ziyarət edib.

İsrail baş nazirliyinin yazılı açıqlamasına görə, Netanyahu, “Siz İsrail xalqı və dövləti adına böyük işlər görürsünüz. İsrail Hərbi Hava Qüvvələri Tehran səmasında hökmranlıq edir. Bu, bütün əməliyyat konsepsiyasını dəyişdirən bir vəziyyətdir. Biz iki məqsədə – nüvə və raket təhlükəsini aradan qaldırmağa nail olmaq yolundayıq. Biz Tehran səmasında hökmranlıq edəndə bu hədəflərə, yəni rejimin hədəflərinə hücum edirik. Mülki vətəndaşlarımızı hədəf alan, qadın və uşaqları öldürməyə çalışan İran rejimindən fərqli olaraq, biz bu hədəfləri vururuq. Biz Tehran xalqına “Tehranı boşaldın!” deyirik və hərəkətə keçirik.

Biz qələbə yolundayıq və bu, qəhrəman pilotlarımızın sayəsində mümkün olub. Möhtəşəm yerüstü heyətlərimiz də böyük işlər görürlər. Sizi salamlayıram. Bütün İsrail vətəndaşları sizə salam deyir. Sizə demək istəyirəm ki, dünyada bir çox insan sizi heyran edir və qiymətləndirir”.