Kanada ABŞ texnologiya şirkətlərini hədəf alan rəqəmsal xidmətlər vergisini geri götürdüyünü açıqladı.

Kanada Maliyyə Nazirliyi bu addımın ABŞ-la ticarət danışıqlarını inkişaf etdirmək üçün atıldığını bildirib.

Bu bəyanat ABŞ prezidenti Donald Trampın ticarət danışıqlarını bitirməsindən bir neçə gün sonra – dünən verilib.

Kanada Maliyyə Nazirliyinin açıqlamasına görə, Kanadanın Baş naziri Mark Karni və Tramp 21 iyul 2025-ci il tarixinədək razılaşma əldə etmək məqsədi ilə ticarət danışıqlarını bərpa edəcəklər.

İyunun 27-də Trump, ABŞ texnologiya şirkətlərini hədəf alan vergi səbəbiylə Kanada ilə ticarət danışıqlarını qəfil dayandırdı və bunu “aydın hücum” olaraq xarakterizə etdi. Tramp gələn həftə Kanada mallarına yeni tariflər tətbiq edəcəyini də açıqlayıb.