Nüvə müharibəsi ssenarilərində ABŞ hökumətinin rabitə və komanda mərkəzi olaraq havadan idarəetmə mərkəzi kimi nəzərdə tutulmuş Hərbi Dəniz Qüvvələrinin ixtisaslaşmış hərbi təyyarəsi Atlantik okeanı üzərində uçarkən görüntülənib.

“Qiyamət təyyarəsi” kimi də tanınan “E-6B Mercury”, Hərbi Dəniz Qüvvələrinin nüvə silahlı ballistik raket sualtı qayıqları ilə əlaqə saxlamaq və qitələrarası ballistik raketlərin buraxılmasını təmin etmək üçün istifadə olunur.

Təyyarə həm də yerüstü komandanlıq mərkəzləri sıradan çıxdıqda nüvə raket atma qabiliyyətini təmin edən ehtiyat sistem kimi xidmət edir.

Atlantik okeanı ABŞ ordusunun əsas fəaliyyət sahəsidir. Keçən ay ABŞ-ın iki nüvə təyyarədaşıyan gəmisi – “USS Gerald R. Ford” və “USS George H.W. Bush” dənizdə yanacaq doldurma və döyüş sursatlarının daşınması zamanı birlikdə üzüb.

Açıq mənbəli kəşfiyyat təhlili, “E-6B” təyyarəsinin Portuqaliya qurumu olan Azor adaları yaxınlığında uçuş əməliyyatları həyata keçirdiyini bildirib.

Azor adaları Şimali Atlantik Okeanında, Portuqaliyadan təxminən 1400 kilometr qərbdə yerləşir.

Lajes hava limanı Azor adalarında Terseyra adasında yerləşir və hava bazası ilə bir hava zolağı paylaşır.

ABŞ Hərbi Hava Qüvvələri Lajes bazasını Avropa, Afrika və Yaxın Şərqə gedən qüvvələr üçün kritik mərkəz – “Atlantikin kəsişməsi” kimi təsvir edir.

“Boeing 707” sərnişin təyyarəsinin dəyidirilmiş variantı olan “E-6B”, ABŞ Prezidenti və Müdafiə Naziri də daxil olmaqla Milli Komandanlıq Orqanını "davamlı, etibarlı və təhlükəsiz" nüvə komandanlığı, nəzarət və rabitə imkanları ilə təmin edir.