İsrailin Müdafiə naziri İsrael Katz iyun ayında 12 gün davam edən hücumlar zamanı İranın dini lideri Ayətullah Əli Xameneyiyə yönəltdiyi sui-qəsd hədəsini yenidən səsləndirib.

Katz sosial media platforması “X”də paylaşdığı mesajda əvvəlki sui-qəsd cəhdlərini xatırladaraq Xameneyini yenidən hədəfə alıb: “Xameneyiyə sığınacağından çıxdığı zaman ara-sıra gözlərini səma tərəfə qaldırmağı və hər bir vızıltını diqqətlə dinləməyi tövsiyə edirəm”.

Bu paylaşım, İsrail ordusunun öldürdüyü İranlı nüvə alimlərinin infoqrafikası ilə yanaşı, İsrailli rəsmilərin sui-qəsd hədəfləri kimi göstərildiyi versiyanın sosial mediada yayılmasından sonra gəlib. Katz İran əleyhinə həyata keçirilən hücumlar zamanı Xameneyini öldürməyi planlaşdırdıqlarını, lakin yerini müəyyən edə bilmədiklərini açıqlamışdı.

İsrail-İran arasında gərginliyin artması

İsrail iyunun 13-də İranın müxtəlif şəhərlərində nüvə obyektləri və hərbi yüksək komanda heyətinə qarşı genişmiqyaslı hücumlar təşkil edib. Bu hücumlarda İran Baş Qərargah rəisi, İnqilab Keşikçiləri Korpusunun (SEPAH) komandiri və 9 nüvə alimi həlak olub.

İran Səhiyyə Nazirliyi hücumlarda 606 mülki şəxsin öldüyünü, 5 min 332 nəfərin yaralandığını açıqlayıb. İsrail Baş Nazirliyinin məlumatına görə, İranın qarşılıqlı hücumlarında 28 nəfər ölüb, 1 272 nəfər yaralanıb.

ABŞ İsrailə açıq dəstək verərək iyunun 22-də İranın Natanz, Fordo və İsfahan nüvə obyektlərinə hücum edib. İran isə iyunun 23-də Qətərdəki ABŞ-ın Əl-Udeydə Hərbi Hava Bazası qarşılığında əməliyyat həyata keçirib.

Son olaraq ABŞ Prezidenti Donald Tramp iyunun 24-də İran ilə İsrail arasında atəşkəs əldə edildiyini elan edib.