vaxtlı-vaxtında oxuyun! Şənbə, 19 sentyabr 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
GÜNDƏM  
22:53 | 25 mart 2020 | Çərşənbə Məqaləyə 280 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yeni imperiya mifdir

Jirinovskinin təhlükəli sayıqlamaları

Elxan ŞAHİNOĞLU

Rusiya Liberal Demokrat Partiyasının illərdir dəyişməz lideri, Dövlət Dumasının deputatı Vladimir Jirinovski martın 23-də deyib ki, Rusiya Konfederasiyasının yaradılmasına ehtiyac var. Jirinovski hansı dövlətləri konfederasiyada görmək istəyir? Özü bir-bir sadalayır: “Qazaxıstan, Mərkəzin Asiyanın digər ölkələri, Belarus, Moldova, Azərbaycan, Ermənistan və Gürcüstan”.

Jirinovski yeni “konfederasiyanın” Türkiyə, İran, Suriya və İraqla sıx əlaqələr qurmasının da vacib olduğunu bildirib. Yəni Jironivski bu ölkələri “konfederasiyaya” üzv etməyi planlaşdırmasa da, onlarla tərəfdaşlıq əlaqələri qurmağa çağırıb. Bəs “konfederasiyanın” ümumi siyasəti necə formalaşacaq?

Jirinovskinin bu suala da cavabı var: “Konfederasiyanın xarici və maliyyə siyasəti mərkəzdən idarə olunmalıdır”. Jirinovski mərkəz deyərkən Kremli nəzərdə tutur. Başqa sözlə keçmiş SSRİ-də olduğu kimi gəlir Moskvaya axmalı, kiminlə dost və kiminlə düşmən olmağa da Kreml qərar verməlidir.

Jirinovskinin bu açıqlamasını növbəti sərsəmləmə kimi qiymətləndirib fikir verməmək də olardı. Ancaq bir neçə amil bu açıqlamaya diqqət yetirməyi lazım bilir.

Birincisi, Jirinovski Kremlin danışan dilidir. Kreml sahiblərinin deyə bilmədiklərini Jirinovski səsləndirir. Məsələn, Rusiya prezidenti Vladimir Putin müsahibələrinin birində demişdi ki, SSRİ-nin süqutu böyük faciə idi. Yəni Putin SSRİ-nin xiffətini çəkir, ancaq imperiyanı bərpa etmək onun gücü xaricindədir. Buna baxmayaraq, o imperiya arzusundan əl çəkməyib. İmperiya alınmırsa, heç olmazsa konfederasiya ideyası ortaya atılsın. Jirinovskinin sərsəm açıqlamalarının sayı hesabı olmasa da, o bəzən onluğa vurur. Məsələn hələ 20 il əvvəl Jirinovski “Krımı güc yoluyla Ukraynadan qopardıb Rusiyaya birləşdirmək lazımdır” deyəndə kimsə, hətta Kremlin dəhlizlərində bu açıqlamaya gülüşlə yanaşırdılar. Ancaq illər sonra Jirinovskinin arzusu yerinə yetirildi.

İkincisi, Jirinovski “konfederasiya” ilə bağlı açıqlamasının sonunda vacib cümlə işlədib: “Rusiya Konfederasiyasının yaradılması üçün münbit zəmin var”.

Jirinovski “münbit zəmin” deyərkən koronavirusun dünyada yayılmasını və bu virusdan böyük dövlətləri ağır vəziyyətə düşdüyünü nəzərdə tutur. Yəni Jirinovski və onu bu açıqlamaya vadar edənlərin fikrincə, hazırda Qərb dövlətlərinin başları özlərinə qarışıb və bu bir neçə ay davam edəcək, fürsətdən yararlanıb Rusiyanın başçılığı ilə yeni imperiyanı formalaşdırmaq olar.

Məsələ burasındadır ki, virus yalnız Qərb dövlətlərini vurmayıb, Rusiyada da yoluxanların sayı hər keçən gün artır. Moskvanın meri Sobyanin artıq həyəcan təbili çalır. Qərb durğunluğa sürüklənən iqtisadiyyatını hərəkətə gətirmək üçün bir yol tapacaq, Rusiya isə qiyməti azalan neftinin və işlərini dayandıran müəssisələrinin fonunda iqtisadiyyatını necə bərpa edəcək – bu böyük sualdır. Ona görə də rusiyalı siyasətçilər “konfederasiya” haqqında düşüncələrə qərq olmaqdansa, “Rusiyanın iqtisadiyyatını necə xilas edəcəyik” sualı üzərində qara-qara düşünsələr yaxşı olar. Bir də ki, Jirinovskinin “konfederasiya üzvləri” kimi sadaladıqları dövlətlərdən heç biri öz xoşu ilə yeni imperiyaya qatılmaq istəməyəcək. Rusiyanın isə keçmiş zamanlarda olduğu kimi imperiya yaratmaq üçün qonşuluqdakı hər dövlətə ordu yeritmək gücü yoxdur.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)