vaxtlı-vaxtında oxuyun! Çərşənbə, 3 iyun 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
BÖHRAN  
12:21 | 2 aprel 2020 | Cümə axşamı Məqaləyə 141 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Virusdan qorxulu fürsətçilik ...

Rusiya koronavirusdan istifadə edib NATO sərhədlərində fəallaşır

MÖVZU İLƏ ƏLAQƏLİ

NATO-nun baş katibi Yens Stoltenberq deyib ki, hərbi alyans koronavirus pandemiyasının təhlükəsizlik hədəsinə çevrilməsinə yol verməməlidir. Stoltenberq əlavə edib ki, Rusiya kimi rəqiblər, habelə terrorçu qruplaşmalar vəziyyətdən fürsətlənə və düşmən hərəkətlərə əl ata bilərlər.

Baş katib bu bəyanatları aprelin 1-də video mətbuat konfransı zamanı səsləndirib. Yeri gəlmişkən, NATO xarici işlər nazirlərinin görüşü də son 70 ildə ilk dəfə olaraq videobağlantı ilə keçiriləcək. Müttəfiqlər bu görüş zamanı COVID-19 epidemiyası ilə bağlı planlarını müzakirə etməlidrlər.

Hazırda bütün dünyada bu virusa 880 min adam yoluxub, bunlardan 44,100 nəfəri vəfat edib.

Stoltenberq bildirib ki, alyansın ilkin vəzifəsi bu sağlamlıq böhranının təhlükəsizlik böhranına çevrilməsinə yol verməməkdir. Virusun yayılmasının yavaşıdılması üçün keçirilən tədbirlər NATO-nun hərbi manevlərini bir qədər səngidib, amma Stoltenberqin dediyinə görə alyans “əməliyyat hazırlığını qoruyub saxlayır”.

Baş katib deyib ki, müttəfiqlər quruda və səmada alyansın sərhədləri boyunca patrul keşiyini davam etdirir. O bildirib ki, bu arada Rusiyanın artmaqda olan hərbi fəallığı NATO-dan hətta pandemiya zamanı da ayıq-sayıq dayanmağı tələb edir: “Biz Rusiyanın NATO sərhədlərinə yaxın qərb hərbi rayonlarında keçirdiyi təlimlər də daxil Şimal dənizində Rusiyanın hərbi varlığını əhəmiyyətli şəkildə artırdığını müşahidə edirik”.

Ötən həftə Rusiya NATO-nun Şərqi Avropa müttəfiqlərinin sərhədlərinə ən yaxın iki hərbi bölgədə genişmiqyaslı hərbi təlimlər keçirib. Rusiya Müdafiə Nazirliyi bildirib ki, təlimlərdən məqsəd strateji raket qüvvələri də daxil, qoşunların hər hansı yoluxmaya hazırlığını yoxlamaqdır.

Bu arada Britaniya hərbi dəniz donanması bildirir ki, onun gəmiləri La-Manş boğazında və Şimal dənizində “fəallığını qeyri-adi şəkildə” artırmış Rusiya gəmilərinin müşahidəsini davam etdirir. Litva bildirib ki, NATO Rusiya hərbi təyyarələrinin ərazi üzərindən 5 uçuşunu qeydə alıb. NATO xarici işlər nazirlərinin videokonfransı aprelin 2-də keçiriləcək.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *