vaxtlı-vaxtında oxuyun! Cümə axşamı, 29 iyul 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
REGİON  
15:17 | 24 aprel 2018 | Çərşənbə axşamı Məqaləyə 1432 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Hər 100 nəfərdən 30-u yoxsuldur

Ermənistan iqtisadiyyatı çətin günlərini yaşayır

MÖVZU İLƏ ƏLAQƏLİ

Dünya Bankı göstəricilərindən toplanmış məlumatlara görə, Ermənistanda yoxsulluq səviyyəsi 2008-ci ildən bəri 2 faiz artaraq təxminən 30 faizə çatıb. Yəni ölkədəki 100 nəfərdən 30-u yoxsuldur.

Ermənistanda işsizlik nisbətləri 2008-dən bəri 16 faiz ilə 19 faiz arasında dəyişir. Ötən il rəsmi işsizlik nisbəti 17,7 faiz olaraq müəyyən edilib. Dünya Bankının məlumatlarına görə, ölkə əhalisinin təxminən 30 faizi yoxsulluq səviyyəsində yaşayır.

Təxminən üç milyon əhaliyə malik olan Ermənistan iqtisadiyyatı 2017-ci ildə 7,5 faiz artıb, bu il isə 4,5 faizlik bir artım gözlənilir. İqtisadçılar isə bu inkişafın əhatəli olmadığı qənaətindədir.

Dünya Bankına görə, ölkənin milli gəliri ötən il 11,6 milyard dollara çatıb, adambaşına milli gəlir 3 min 813 dollar olub. Adam başına düşən milli gəlir 2008-də 4 min 10 dollar idi. Ölkədəki minimum əmək haqqı isə 55 min Ermənistan Dramıdır (115 dollar).

Ermənistan iqtisadiyyatı Beynəlxalq Valyuta Fondu (BVF) və Dünya Bankının kreditlərinə və Rusiyanın yardımlarına böyük  miqyasda asılıdır. Ölkənin enerji sektoru Rusiya tərəfindən idarə olunur.

Digər tərəfdən, ölkənin xarici borcu bu ilin fevral ayında 5,6 milyard dollar olarkən, bu miqdar ÜDM-nin təxminən yarısına təsadüf edir.

Ölkə rəhbərliyi BVF və Dünya Bankı kimi beynəlxalq iqtisadi təşkilatlardan kredit alaraq iqtisadiyyatı tarazlıqda saxlamağa çalışarkən, ölkə xaricində yaşayan diaspor da iqtisadiyyat üçün yardımlar edir.

Ölkənin əsas xarici ticarət tərəfdaşları, İran, Rusiya, Avropa İttifaqı ölkələri, Gürcüstan, Çin və Ukraynadır. 

Ermənistanın Baş Naziri Serj Sərkisyan etirazlar səbəbindən dünən istefa vermişdir. Sərkisyan, “Küçələrdəki etirazçılar mənim baş nazir olmağımı istəmir. Tələbinizi yerinə yetirirəm. Sizə son dəfə baş nazir kimi müraciət edirəm. Paşinyan haqlı idi. Yanılmışam. Baş nazir vəzifəsindən istefa verirəm”,  deyərək istefa verdiyini açıqlamışdı.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.