vaxtlı-vaxtında oxuyun! Çərşənbə axşamı, 12 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
TURİZM, DAŞIMAÇILIQ, NƏQLİYYAT  
13:05 | 17 oktyabr 2019 | Cümə axşamı Məqaləyə 961 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bakıdan Avropayadək fasiləsiz hərəkət ...

İlk yük qatarı yola düşüb

“ADY Container” MMC-dən bildirilib ki, Çinin Sian şəhərindən Avropa istiqamətində daha bir konteyner blok qatarı yola düşüb. 42 konteynerdən ibarət qatarın təyinat məntəqəsi Çex Respublikasının paytaxtı Praqadır.

Transxəzər Beynəlxalq Nəqliyyat Marşrutu üzrə hərəkət edən bu qatar Bakı-Tbilisi-Qars dəmir yolu xətti üzərindən keçərək Türkiyədəki Marmaray tuneli ilə dəmir yolu vasitəsilə kəsintisiz, birbaşa Avropaya hərəkət edən ilk yük qatarı olacaq. Beləliklə, Sian-Praqa marşrutu üzrə konteyner blok qatarı Bakıdan Avropayadək fasiləsiz olaraq yalnız dəmir yolu vasitəsilə hərəkət edəcək. İstanbulda qatarın təntənəli qarşılanma mərasiminin keçirilməsi nəzərdə tutulur.

Qatarla Çex Respublikasına Çin istehsalı olan məişət texnikası göndərilib. Yükdaşımanın operatoru Transxəzər Beynəlxalq Nəqliyyat Marşrutu konsorsiumudur. Ölkəmizi konsorsiumda “Azərbaycan Dəmir Yolları” QSC-nin törəmə şirkəti olan “ADY Container” MMC təmsil edir. Çin-Avropa istiqamətində bu marşrutun “Orta koridor” kimi tanıdılmasında iştirakçı ölkələrin hər birinin, o cümlədən Azərbaycanın əvəzsiz rolu var. Marşrutun işləməsi üçün iştirakçı ölkələrin dövlət başçıları, aidiyyəti qurumları arasında davamlı olaraq görüşlər keçirilir, müzakirələr aparılır. Prezident İlham Əliyevin Çinə səfərləri zamanı aparılan müzakirələrdə də bu məsələ daim gündəmdə olub.

Marşrutda yükdaşımaların həcminin artırılması istiqamətində atılan növbəti addım isə bu ilin aprelində Pekində 2-ci “Bir kəmər, bir yol” Forumunda “Azərbaycan Dəmir Yolları” QSC-nin sədri Cavid Qurbanovun iştirakı ilə “ADY Container” MMC və Çinin “Xi’an Continental Bridge International Logistics Co. Ltd” şirkəti arasında Transxəzər Beynəlxalq Nəqliyyat Marşrutu ilə hərəkət edən konteyner qatarlarının təşkili üzrə əməkdaşlıq haqqında imzalanmış saziş olub. Sazişə əsasən, hər iki şirkət cari ilin sonunadək ümumilikdə 30 konteyner qatarı yola salmağı planlaşdırır ki, bu günədək 20 konteyner qatarı artıq yola salınıb.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *