vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
REGİON  
10:41 | 27 iyul 2022 | Çərşənbə Məqaləyə 1655 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranda tibb işçilərinin mühacirəti artıb

Son iki ildə minlərlə həkim və tibb bacısının ölkəni tərk edib

CAVİDAN

MÖVZU İLƏ ƏLAQƏLİ

İran Tibb İşçiləri Təşkilatının sədr müavini Məhəmmədtağı Cahanpur Səhiyyə Nazirliyinin tibb işçiləri və tibb bacılarına qarşı münasibətini tənqid edib.

O, nazirliyin tibb bacılarına qarşı mövsümi işçi kimi davrandığını, barələrində haqsızlıq edildiyini və bu səbəbdən hər ay 100-150 tibb bacısının ölkəni tərk etdiyini deyib.

“Tibb bacılarının mühacirətə məcbur olmalarına səbəb məişət problemləri, əmək haqlarının az olması və daimi işə götürülmələri ilə bağlı təminatlarının olmamasıdır”, – deyə Cahanpur bildirib.

İran Tibb İşçiləri Təşkilatının sədr müavini koronavirus pandemiyası dövründə tibb bacılarının aldadıldığını, onları daimi olaraq işə götürüləcəkləri ilə bağlı vəd verib yoluxma sayı azalandan sonra onların işdən çıxarıldıqlarını söyləyib.

Hal-hazırda İranda 100 min tibb bacısının çatışmadığını deyən Cahanpur, Səhiyyə Nazirliyinin yalanlarının bu problemin daha da dərinləşməsinə səbəb olduğunu, tibb bacılarının başqa ölkələrdə iş axtarmaları ilə nəticələndiyini vurğulayıb.

Bundan bir neçə gün öncə İran parlamentinin Səhiyyə Komissiyasının başçısı Hüseynəli Şəhriyari son iki ildə minlərlə həkim və tibb bacısının ölkəni tərk etdiyini deyib.

Bununla yanaşı İranın “Cavan” saytı İranda həkimlərin dolanışıq problemləri və əmək haqlarının aşağı olduğuna görə Türkiyə və Omana mühacirət etdiklərini yazıb.