vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
BÖHRAN  
18:38 | 6 noyabr 2022 | Bazar Məqaləyə 635 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

10 ayda 59 ballistik sınaq

Şimali Koreya daha 4 raket atıb

MÖVZU İLƏ ƏLAQƏLİ

ABŞ və Cənubi Koreya həftənin əvvəlində Pxenyanın raket atışlarına cavab olaraq hərbi təlimləri əlavə bir gün də uzatdıqları zaman, Şimali Koreya şənbə günü dörd qısamənzilli ballistik raket atıb.

Cənubi Koreyanın Müdafiə Nazirliyi raketlərin qərb dənizi üzərində təxminən 130 kilometr uçduğunu və 20 kilometr yüksəkliyə çatdığını bildirib.

Şimali Koreya çərşənbə günündən bəri 30 raket atıb ki, onlardan bəziləri Cənubi Koreya və Yaponiyada hava hücumu və təcili sığınacaqla bağlı xəbərdarlıqlara səbəb olub.

Koreya yarımadasında gərginlik artmaqda davam etdiyi bir vaxt, Cənubi Koreya sərhəd yaxınlığında Şimali Koreyanın 180 hərbi təyyarəsini aşkar etdikdən sonra cümə günü səmaya qırıcı təyyarələrini buraxıb.

Şənbə günü ABŞ-Cənubi Koreya hava təlimlərində ABŞ-ın iki B-1B strateji bombardmançı təyyarəsi iştirak edib.

Birləşmiş Ştatlar, Britaniya, Albaniya, Fransa, İrlandiya və Norveçin tələbi ilə Birləşmiş Millətlər Təşkilatının Təhlükəsizlik Şurası Şimali Koreyanın raket buraxılışlarını müzakirə etmək üçün cümə günü bir araya gəlib.

Hindistan, Braziliya və Meksikanın daxil olduğu Təhlükəsizlik Şurasının 10 qeyri-daimi üzvünün birgə bəyanatında Şimali Koreyanın raket buraxılışları pislənib.

ABŞ-ın BMT-dəki səfiri Linda Tomas Qrinfild Şimali Koreyanın bu il atdığı 59 ballistik raketi “dəhşətli” adlandırıb.

O, Şimali Koreyanın qadağan olunmuş davranışına görə, 15 ölkənin daxil olduğu Təhlükəsizlik Şurasının heç bir bəyanat vermədiyini və ya sanksiyaları gücləndirmədiyini nəzərə alaraq, “Şuranın bu məsələdə səssizliyi eyni dərəcədə dəhşətlidir” deyib.

Buna Çin və Rusiyanın müqaviməti səbəb olub. Çin hətta Pxenyana qarşı sanksiyaları yumşaltmağa çağırıb. Tomas Qrinfild deyib ki, hər iki ölkə Koreya yarımadasında gərginliyin artmasına səbəb kimi ABŞ-Cənubi Koreya birgə hərbi təlimlərini göstərib.