vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
AVROPA  
09:28 | 28 noyabr 2022 | Bazar ertəsi Məqaləyə 610 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Avropa millətçiliyi yüksəlişdə

İspaniyanın ifrat sağçıları bütün göstəriciləri üstələyir

MÖVZU İLƏ ƏLAQƏLİ

İspaniya parlamentində üçüncü ən böyük siyasi partiya olan ifrat sağçı, anti-immiqrant və anti-islam “Vox” müxtəlif şəhərlərdə hökumət əleyhinə nümayişlər keçirib. Paytaxt Madridin Kolon Meydanında “İspaniya dərhal səs vermək istəyir, seçki istəyir” şüarı ilə keçirilən ən izdihamlı nümayişdə Vox tərəfdarları solçuların koalisiya hökumətini tənqid edib.

2023-cü ilin noyabrında olacaq ümumi seçkilərin vaxtından əvvəl keçirilməsini tələb edən “Vox” lideri Santiaqo Abaskal, “xəyanət, yıxılma və səfalət hökuməti” olaraq xarakterizə etdiyi hökumətin istefasını tələb etdi.

“Yaşasın İspaniya, yaşasın Kral” şüarını səsləndirən kütləyə səslənən Abaskal, təsdiq üçün separatçı Kataloniya və Bask partiyalarına edilən güzəştləri sərt şəkildə tənqid edib.

“Sançes (İspaniyanın baş naziri Pedro Sançes nəzərdə turulur – red.) separatçı katalonların maraqlarına uyaraq dövlətə qarşı üsyanı cinayət məcəlləsindən çıxardı və canilərin qarşısına qırmızı xalça örtdü”. İfrat sağçı lider “Hökumət İspaniyanın milli suverenliyinə və adət-ənənələrinə hörmət etmədən xalqın üstündən keçir”, – Abaskal deyib.

“Milli birlik olmadan konstitusiya, demokratiya və azadlıqlar yoxdur. Vətən zəhmətkeş və təvazökar xalqın son müdafiəsidir. Hökumət milyonlarla ispanları məhvə, nifrətə və əsirliyə məruz qoyur. Biz bu hökuməti parlamentdən qovmalıyıq”.

İspaniyada son bir ayda dərc edilən sorğularda, əgər bu gün seçki olsa, ana müxalifətdəki sağçı Xalq Partiyası (PP) və hökumətin böyük ortağı Sosialist İşçi Partiyası (PSOE) hər biri 27 səs alacaq. Vox isə yüzdə 15 qazana bilər.

Hazırda sol (PSOE) və ifrat sol (Unidas Podemos) partiyalarından ibarət olan İspaniya demokratiyası tarixində ilk koalisiya hökumətinin qarşıdakı dövrdə sağ (PP) və ifrat sağ (Vox) koalisiyasına çevrilməsi ehtimalı yüksəkdir.

Xalq Partiyası və “Vox” hazırda İspaniyanın “Castilla y Leon” muxtar administrasiyasında koalisiya hökuməti ilə əməkdaşlıq edir.