vaxtlı-vaxtında oxuyun! Bazar ertəsi, 6 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
ENERGETİKA  
19:29 | 28 noyabr 2022 | Bazar ertəsi Məqaləyə 1076 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Şahdəniz”in sirlər xəzinəsi...

BP və SOCAR qiymətləndirmə aparacaq

İlham ŞABAN

MÖVZU İLƏ ƏLAQƏLİ

SOCAR və BP şirkətlərinin birgə açıqladıqları məlumata görə, ötən şənbə günü SOCAR rəhbərliyi “Şahdəniz”dəki “Bravo” platformasına yerində baxış keçirmək, fəaliyyəti ilə yaxından tanış olmaq, mövcud və perspektiv imkanları müzakirə etmək üçün buraya səfər ediblər.

Məlumatda “Şahdəniz-2” layihəsi üzrə əldə edilən nailiyyətlər, statistika və perspektivdə olacaq hansısa hadisələrlə bağlı əlavə nəsə yoxdur.

Bəs “Şahdəniz” hansı sirləri var?

1. “Şahdəniz” yatağı Bakıdan cənub-şərqdə 70 km məsafədə yerləşir, dənizin dərinliyi 50 metrdən 600 mmetrə qədər dəyişir.

2. Onun 1 trilyon kubmetr qaz və 2 milyard barel kondensat ehtiyatı var. 1 noyabr 2022-ci ilə “Şahdəniz”dən 178,2 milyard kubmetr qaz hasil edilib və onun 124,3 milyard kubmetri ixraca yönəldilib.

3. İndiyə qədər “Şahdəniz” yatağından hasil edilən qazın 53,9 milyard kubmetri və ya 30,25%-i Azərbaycanın daxili bazarında satılıb.

4. “Şahdəniz-2” layihəsi çərçivəsində hasilat Xəzərdə ilk dəfə olaraq buruqdan həyata keçirilmir (platformada buruq yoxdur). Hasilat dənizin 500 metrdən çox dərinliyində 5 manifolddan, yəni sualtı robotlaşdırılmış hasilat qurğuları ilə baş tutur.

5. “Şahdəniz”də laylar çox dərində yerləşir – təsəvvür edin ki, 7301 metr dərinlikdə quyu qazılıb. Ona görə də lay təzyiqləri çox yüksəkdir.

6. “Şahdəniz-2” layihəsi zamanı yeni çəkilən sualtı boruların uzunluğu 500 km-dən artıq olub (yəni Xəzərin ən dar hissəsində boruları 2 dəfə dənizin “belinə bağlamaq” olardı).

7. 2022-ci ilin III rübündən “Bravo” platformasında hasil edilən qazın həcmi “Alfa” platformasındakı (Şahdəniz-1) həcmləri ötüb.

8. 2023-cü ildə BP və partnyorları yataqda “Şahdəniz-3” layihəsinin qiymətləndirilməsi məqsədi ilə quyu qazılmasını nəzərdə tuturlar.