vaxtlı-vaxtında oxuyun! Çərşənbə axşamı, 23 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
TARİX  
00:10 | 1 dekabr 2022 | Cümə axşamı Məqaləyə 8045 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Laçınlı günlərimizin ikinci ili

Ermənilər rayonda 20 günə 20 illik dağıntı törətdi

Vaxt.az

MÖVZU İLƏ ƏLAQƏLİ

Bu gün Laçın rayonunun Ermənistan Silahlı Qüvvələrinin işğalından azad edilməsinin ikinci ildönümüdür.

2020-ci ilin 44 günlük Vətən müharibəsində Ali Baş Komandan, Prezident İlham Əliyevin rəhbərliyi ilə şanlı Azərbaycan Ordusu otuzillik işğala son qoyaraq ərazi bütövlüyümüzü bərpa etdi. Sentyabrın 27 başlanan Vətən müharibəsi noyabrın 10-da müzəffər Ordumuzun parlaq Zəfəri ilə başa çatdı. İşğalçı Ermənistan cəmi 44 gün davam edən müharibədə kapitulyasiya aktını imzalamağa məcbur oldu.  Sənədə əsasən, 20 noyabrda Ağdam, 25 noyabrda Kəlbəcər, 1 dekabrda isə Laçın rayonları bir güllə atılmadan, bir hərbçimizin burnu belə qanamadan Azərbaycana qaytarıldı.

Lakin bəyanatın imzalandığı 10 noyabrdan 1 dekabra qədər olan 20 gün müddətində ermənilər Laçın şəhərində və rayon ərazisində xarakterlərinə uyğun olaraq misli görünməmiş dağıntılar törətdi, tikililəri talan edib yandırdı, yaşıllıqlara qarşı ekoloji terror həyata keçirdi.

Bu gün Qarabağımızın cənnətməkan guşələrindən olan Laçına da həyat qayıdır. Dövlət tərəfindən müxtəlif infrastruktur layihələri həyata keçirilir. Artıq Laçın Radio-Televiziya Yayımı Stansiyası istismara verilib. Rayon ərazisində 110 kV-luq “Qorçu” elektrik yarımstansiyası, beynəlxalq hava limanı, eləcə də Kəlbəcər-Laçın avtomobil yolu inşa edilir. Yaxın gələcəkdə 30 ilə yaxın yurd nisgili ilə yaşamış laçınlılar doğma yurda qayıdacaqlar.

Qeyd edək ki, Laçın rayonu 1992-ci il mayın 18-də Ermənistan Silahlı Qüvvələri tərəfindən işğal edilmişdi.