İngiltərənin Liverpul şəhəri yaxınlığındakı Southport şəhərində “Taylor Swift” temalı yoqa və rəqs emalatxanasına bıçaqla hücum edilib.

Hücum nəticəsində 2 uşağın öldüyü, ən azı 9 uşağın yaralandığı bildirilib. Təhlükəsizlik qüvvələri onların 6 uşağının vəziyyətinin ağır olduğunu bildirib. Polis hücuma məruz qalanları qorumağa çalışarkən yaralanan iki yaşlının da vəziyyətinin ağır olduğunu bildirib.

Bildirilib ki, 17 yaşlı şəxs qətl və adam öldürməyə cəhddə şübhəli bilinərək həbs edilib. Mersisayd polisi hücumla əlaqədar başqa heç kimin axtarılmadığını və “hücumun səbəbinin hələ aydın olmadığını” açıqlayıb. Polis hücumun terrorla əlaqəli olduğuna inanmır. Polisə zəng edən biznes sahibi hücumun “qorxu filmindən səhnəyə” bənzədiyini deyib.

Jurnalist Tim Conson baş verənləri belə izah edib: “Dəhşətli idi. Daha əvvəl belə bir şey görməmişdim. O qədər polis maşını var idi. Təcili yardım maşınlarında insanların göz yaşları içində olduğunu gördüm”.

Digər bir şahid isə bildirib ki, üz maskalı hücum edən şəxs taksi ilə əraziyə gəlib və gediş haqqını ödəməkdən imtina edib.

***

Britaniyanın baş naziri Keir Starmer baş verənlərin “həqiqətən dəhşətli” olduğunu və “bütün ölkənin dərin sarsıntı keçirdiyini” söyləyib.

Starmer, hücumdan təsirlənənlərin hiss etdikləri ağrıları təsəvvür etməyin “demək olar ki, qeyri-mümkün” olduğunu söyləyib.

Starmer fövqəladə hallara cavab verən qrupları tərifləyib və onlara peşəkarlıqlarına görə təşəkkür edib.