Braziliya prezidenti Luiz İnasio Lula da Silva dünən (sentyabrın 6-da) bəzi qadınların cinsi qısnama ittihamlarından sonra İnsan Haqları naziri Silvio Almeydanı hökumətdə qalmasını “qəbuledilməz” hesab edərək, vəzifəsindən azad edib.

Rəyasət Heyətindən verilən açıqlamada, Lulanın insan haqları nazirinə qarşı “ciddi ittihamlar qarşısında Planalto sarayında görüşə çağırıldıqdan” sonra vəzifəsindən azad edilməsinə qərar verdiyi bildirilib.

“Prezident cinsi qısnama iddialarının xarakterini nəzərə alaraq nazirin vəzifəsində qalmasını qəbuledilməz hesab edir”, – deyə məlumatda bildirilir.

Qalmaqal cümə axşamı axşam saatlarında Metropolis veb-saytının “Mən də Braziliyayam” hərəkatının hökumətin İrqi bərabərlik naziri Anielle Franko da daxil olmaqla bir sıra qadınlardan şikayətlər aldığını aşkar etməsi ilə başlayıb.

Prezidentlik federal polisin ilkin təhqiqata başladığını və hökumətin İctimai Etika Komissiyası çərçivəsində başqa bir prosedura start verdiyini bildirib.

Sosial mediada yayımlanan videoda 48 yaşlı Almeyda ittihamları şiddətlə rədd edərək, onları “yalan” adlandırıb və “vacib mövqedə olan qaradərili imicinə təsir etmək kampaniyasına” istinad edib.

Qaradərililərin müdafiəçisi olan 40 yaşlı nazir Franko bu günə qədər bu məsələ ilə bağlı açıqlama verməyib.

Bu, Lulanın 2003-2010-cu illər arasında iki müddət işlədikdən sonra 2023-cü ilin yanvarında hakimiyyətə qayıtmasından sonra ilk etika qalmaqalıdır.