Çin iqtisadiyyatı avqust ayında istehsal və istehlak göstəricilərindəki zəifləmənin və daşınmaz əmlak investisiyalarının azalmasının mənfi təsirlərini hiss edib.

Milli Statistika Bürosu (UIB) 2024-cü ilin avqust ayı və ilin ilk 8 ayı üçün sənaye istehsalı, pərakəndə satış, əsas kapitala investisiyalar və işsizlik rəqəmlərindən ibarət məlumat dəstini açıqlayıb.

İstehlak və daxili tələbin göstəriciləri hesab edilən pərakəndə satışlar avqust ayında ötən ilin eyni dövrü ilə müqayisədə 2,1 faiz artaraq iyul ayındaki 2,7 faiz artımın gerisində qalıb.

İllik dövriyyəsi 20 milyon yuandan (təxminən 2,82 milyon dollar) çox olan sənaye müəssisələrinin istehsal məhsulu avqust ayında keçən ilin eyni ayına nisbətən 4,5 faiz artsa da, iyul ayındaki 5,1 faiz artımdan aşağı düşüb. .

***

Digər tərəfdən, daşınmaz əmlak investisiyalarındakı azalma, əsas kapitala investisiyalarda geriləmə davam edib.

İnfrastruktur, daşınmaz əmlak, maşın və avadanlıq xərclərini əhatə edən əsas kapitala investisiyalar ilk 8 ayda keçən ilin eyni dövrü ilə müqayisədə 3,4 faiz artsa da, ilk 7 aydakı 3,6 faiz artımın arxasında qalıb.

Əsas kapitala investisiyalar arasında daşınmaz əmlak investisiyaları iki ildir davam edən enişi davam etdirərək ilk 8 ayda 10,2 faiz azalıb.

***

Avqust ayında şəhər işsizlik nisbəti əvvəlki ayla müqayisədə 0,1 bal artaraq yüzdə 5,3-ə çatıb.

Bu ay UIB, Çin iqtisadiyyatının kövrəkliyinin əlaməti olaraq uzun müddət yüksək olaraq qaldığı bilinən gənclər arasında işsizlik rəqəmlərini açıqlamayıb.