
“Bizə qarşı 1200 raket tuşlanıb”
Venesuela: “ABŞ Karib dənizində misli görünməmiş hərbi fəallıq nümayiş etdirir”
Venesuela: “ABŞ Karib dənizində misli görünməmiş hərbi fəallıq nümayiş etdirir”
Venesueladan ABŞ-a mesaj
Maduro reaksiya verdi: “Venesuelanı heç kim aşağılaya bilməz”
Venesuelada narkotik daşınmasında istifadə edilən təyyarə zolağı tapılıb
“Deportasiya qoxusunu sevirəm”
Venesuela təkzib etdi: “Hücum videosu süni intellektlə hazırlanıb”
Venesueladan ABŞ-a xəbərdarlıq
ABŞ-ın Venesuela sahillərinə donanma göndərməkdə əsl məqsədi nədir?
“Venesuelaya girmələri üçün heç bir yol yoxdur”
Karib dənizinə bir sualtı və 7 döyüş gəmisi yola salınıb
Polşada hərbi pilot həlak oldu, aviaşou ləğv edildi
ABŞ savaş gəmiləri Sakit Okeanda yerləşdirildi ...
Kolumbiya Prezidenti ABŞ-ın Maduro iddiasını yalanladı
“İstefa etməsə, vəzifəsindən kənarlaşdıracağam”
Təyyarənin endirə bilən təcrübəli pilot faciənin qarşısını aldı
Çimərliklər bağlandı
Vitse-Prezident Mayk Pens və Tramp administraiyasının digər yüksək rütbəli rəsmiləri Venesuela müxalifətinin lideri Xuan Quaydoya tam dəstəklərini ifadə ediblər.
Əsgərlərlə əhatə olunmuş müxalifət liderinin insanları Karakas küçələrinə axışmasına çağırmasından sonra minlərlə venesuelalı prezident Nikolas Maduroya sadiq qüvvələrlə toqquşub.
“Quaydoya, Milli Assambleyaya və bu gün küçələrə çıxmış bütün azadlıqsevər Venesuela xalqına deyirik: Estamos con ustedes! (Sizinləyik!)” deyə Pens Tvitterdə bəyan edib. “Amerika azadlıq və demokratiya bərqərar olunanadək sizinlə olacaq!”
Ağ Evin qarşısında müxbirlərlə danışan milli təhlükəsizlik müşaviri Con Bolton Venesuelada “dinc hakimiyyət dəyişikliyi”ni dəstəklədiyini bildirib. O, əlavə edib ki, hazırda Maduro rejiminə küçələrdə nümayişləri yatırtmaq üçün istifadə olunan qüvvələr Kubadan yönləndirilir.
Kubadan əlavə Maduro rejiminə xaricdən dəstək verən ölkələr sırasında Rusiya, Çin, Türkiyə və İran kimi dövlətlər var.
Pentaqon rəhbərliyi də məsələyə münasibət bildirib.
Müdafiə nazirini əvəzləyən Patrik Şanahan venesuelalıların “azadlıq və demokratiya naminə öz ölkələrini geri almaq” amacını dəstəklədiyini bəyan edib.
Hərçənd ki, prezident Tramp Quaydonun addımları ilə bağlı bıəyanat verməyib, o vəziyyətdən xəbərdardır və baş verənləri izləyior.
Ağ Ev müşaviri Kellyanne Konvey deyib ki, administrasiya Venesuela Milli Assambleyasının prezidenti ilə çiyin-çiyinə dayanır.
Dövlət katibi Mayk Pompeo deyib ki, bu gün Venesuelanın müvəqqəti prezidenti Xuan Quaydo azadlıq əməliyyatına start verib.
O, ABŞ hökumətinin Venesuela xalqına, onların azadlıq və demokratiya istəyinə tam dəstək verdiyini bildirib. Pompeo demokratiyanın məlubedilməz olduğunu vurğulayıb.
ABŞ-ın milli təhlükəsizlik məsələləri üzrə müşaviri Con Bolton Venesuela ordusunun konstitusiya və xalqı müdafiə etməli olduğunu deyib.
O, Amerikanın Venesuela xalqı yanında durduğunu da əlavə edib.
Venesuelanın müxalifət lideri və özünü müvəqqəti prezident elan edən Xuan Quaydo prezident Nikolas Maduro hakimiyyətini devirmək və azadlığa nail olmaq üçün Venesuela xalqını küçələrə çıxmaq çağırışından sonra hərbi qüvvələrin bir kəsiminin dəstəyini əldə edib.
“Bu gün cəsur əsgərlər, cəsur vətənpərvərlər, cəsur insanlar konstitusiya çağırışıma cavab verdi”, Quaydo bildirib.
Paytaxt Karakas küçələrində etiraz aksiyaları davam edir. Maduroya sadiq hərbi qüvvələr nümayişçilərə qarşı gözyaşardıcı qazdan istifadə edib.
Paytaxt küçələrinə minlərlə nümayişçi çıxıb. Maduroya sadiq qüvvələr onları atəşə tutub, su şırnaqları ilə onları dağıtmağa çalışıb. Milli Qvardiya maşınları nümayişçilərin üstünə sürülüb.