Avropa Birliyi (AB) liderləri tərəfindən birliyinin ali nümayəndəsi vəzifəsinə tövsiyə edilən Estoniyanın baş naziri Kaja Kallas baş nazir vəzifəsindən istefa verib.

Kallas sosial media hesabından verdiyi açıqlamada baş nazirlikdən istefa verdiyini açıqlayıb.

Milli mətbuatda yer alan xəbərə görə, Kallas paytaxt Tallinndə prezident sarayında keçirdiyi qısa toplantıda istefa ərizəsini prezident Alar Karisə təqdim edib.

Kallasın adı AB-nin 27-28 iyun tarixlərində keçirilən sammitində liderlər tərəfindən birliyin xarici işlər və təhlükəsizlik siyasəti üzrə ali nümayəndəsi vəzifəsinə təklif edilib. İyulun 18-də Avropa Parlamentində (AP) Aİ Komissiyasının sədrliyi üçün keçiriləcək səsvermədən sonra Ursula fon der Leyen etimad səsi alarsa, Kallas da AP-nin müvafiq komitəsində səsə qoyulacaq.

Estoniyanın ilk qadın baş naziri olan Kallas 2011-ci ildə liberal İslahat Partiyasının nümayəndəsi kimi parlamentə daxil olub. Kallas 2014-2018-ci illər arasında AP-də bu vəzifədə olub.

Kallas 2019-cu ildə ölkəsinə qayıdaraq yenidən parlament üzvü olub və 2021-ci il seçkilərində baş nazir seçilib. Cəmi bir il baş nazir olduğu zaman başlayan Rusiya-Ukrayna müharibəsi Kallasın karyerasında dönüş nöqtəsi oldu.

Müharibədən əvvəl vəzifəyə gəldiyi gündən bəri anti-Rusiya ritorikası ilə seçilən Kallas Avropanın yeni “dəmir xanımı” kimi tanınmağa başlayıb. Qərbə Rusiyanın tələsinə düşməmək və Ukrayna müharibəsi ilə rəsmi Kiyevə qeyd-şərtsiz dəstək vermək barədə xəbərdarlıq edən Kallas Kremlin hədəfinə çevrilib. Rusiya Kallası 2024-cü ilin fevralında axtarışa verib.

Əgər o, AB-nin yeni Ali Nümayəndəsi olarsa, Kallas “bu postu tutan ilk Şərqi Avropa siyasətçisi” olacaq. Kallas AB-nin xarici və təhlükəsizlik siyasətinə cavabdeh olacaq və eyni zamanda AB Komissiyasının vitse-prezidenti vəzifəsini də icra edəcək.