Almaniyada inşaat ustası tapmaq demək olar ki, mümkünsüz hala gəlib. 113 min nəfərlik işçi çatışmazlığına görə maaşlar artıb. Sektor nümayəndələri xəbərdarlıq edir. Gənclər peşələrə maraq göstərmir, böhran qapıdadır.

Almaniya Federal Statistika İdarəsinin məlumatına görə, 2023-cü ilə qədər ölkədə bənnaların 30 faizindən çoxunun yaşı 55-dən yuxarı olacaq. Sektordakı yaşlı əhali pensiya yaşına yaxınlaşdıqca, onların yerlərini doldurmaq üçün gənc kadrların tapılması hər il çətinləşir. Bu, həm iş çatışmazlığına, həm də xərclərin artmasına səbəb olur.

***

Almaniyada yeni başlayan bir bənna saatda təxminən 20 avro qazanır. Bu, ayda 3500 avro ümumi əmək haqqına uyğundur. Təcrübəli ustalar daha çox məsuliyyət götürərək maaşlarını 5000 avroya qədər artıra bilərlər. Tikinti şirkətinin sahibi Cerrit Terfehrin sözlərinə görə, əsl fayda işi yaxşı öyrənmək və uzunmüddətli perspektivdə öz layihələriniz üzərində işləməkdir.

***

Ölkədəki şirkətlər 60 yaşdan yuxarı işçilərə dörd günlük iş həftəsi seçimi təklif edir. Bu sistem sayəsində köhnə ustalar həm istirahət edə, həm də peşələrindən qopmadan istehsala davam edə bilirlər. Bundan əlavə, bu çeviklik sektoru gənc ustalar üçün daha cəlbedici edir.

***

Sektorda immiqrant əməyinin əhəmiyyətinə diqqət çəkən Terfehr, “Balkan ölkələrindən gələn işçilər və qaçqınlar olmasaydı, burada nə olacaöını belə bilməzdik”, – immiqrant işçilərə təşəkkür etdi. Tikinti sənayesi illərdir xarici işçi qüvvəsi hesabına yaşayır.

***

Sektorun gələcəyini xilas etmək üçün erkən yaşda peşə təhsili vacibdir. Terfehr şirkətində 20-yə yaxın şagirdin olduğunu və onların məktəblərdə və hətta uşaq bağçalarında təbliğat apardıqlarını söyləyib. Məqsəd gəncləri erkən yaşda karyeraya doğru istiqamətləndirməkdir.

***

Almaniyada həm ixtisaslı kadr çatışmazlığı, həm də maaşların artması əl işləri ilə məşğul olan gənclər üçün böyük imkan yaradır. Həm fiziki, həm də mənəvi cəhətdən doyurucu olan bu peşələr həm də güclü maliyyə gələcəyi vəd edir.