Xaricdə yaşamağı düşünənlər üçün diqqətəlayiq bir araşdırma dərc olunub. Araşdırmada dünyanın ən ucuz və ən bahalı şəhərləri açıqlanıb. Hesabatda əcnəbilərin yaşaya biləcəyi ucuz və sərfəli şəhərlərin reytinqi açıqlanıb. 52 şəhərin yer aldığı siyahıda bir çox faktlar ağızları açıq qoyub.

Araşdırmada İspaniyanın Valensiya şəhəri əcnəbilər üçün ən qənaətcil şəhər, Kanadanın Vankuver isə ən bahalı şəhər olub.

“InterNations” beynəlxalq şəbəkə tərəfindən aparılan sorğuda dünyanın müxtəlif şəhərlərində yaşayan əcnəbilərin iqtisadi vəziyyəti, yaşayış dəyəri və gəlirlərinin adekvatlığı qiymətləndirilib. Nəticələr göstərir ki, bəzi şəhərlər əcnəbilərin həyatını asanlaşdırsa da, digərləri ciddi büdcə problemi yaradır.

İspaniyanın günəşli sahil şəhəri Valensiya əcnəbilər üçün ən ucuz şəhər kimi siyahıya başçılıq edir. Burada yaşayan əcnəbilərin yüzdə 77-si maddi vəziyyətlərindən razı qaldıqlarını bildirib. 61 faiz gəlirlərinin rahat yaşamaq üçün “kifayət qədər” olduğunu deyir. Bu göstərici dünya üzrə orta göstəricidən xeyli yüksəkdir.

Amerikalı iştirakçı Valensiya haqqında dedi: “Mənim yaşayış xərclərim, istər mənzil, istərsə də səhiyyə ilə bağlı narahatlığım yoxdur”.

Panamanın paytaxtı Panama Siti siyahıda ikinci olub və iqtisadi həyat şərtləri baxımından əcnəbilərin 76 faizi tərəfindən müsbət qiymətləndirilib. Şəhərdə iştirak edənlərin 91 faizi əllərindəki gəlirlərinin rahat həyat üçün kifayət etdiyini bildirib. Panama da təqaüdçülər üçün məşhur seçimə çevrilib.

Yamaykalı bir mühacir vəziyyəti bu sözlərlə yekunlaşdırdı: “Mən dinc və əlverişli həyatı sevirəm.”

İspaniya siyahıda təkcə Valensiya ilə deyil, Malaqa ilə də diqqət çəkib. Aralıq dənizi sahilində yerləşən bu şəhər yaşayış məmnunluğuna görə üçüncü yerdədir. Əcnəbilərin 72 faizi şəhərdəki xərclərin münasib olduğunu bildirib. 38 faiz iqtisadi vəziyyətindən razı qaldıqlarını bildirib.

Siyahının digər ucunda Kanadanın Vankuver şəhəridir. Əcnəbilərin 88 faizi yaşayış dəyərini çox yüksək hesab edir. 65 faiz əllərində olan gəlirlərinin yetərli olmadığını bildirib.

Vankuverdə yaşayan türk mühacir dedi: “Həyat bahalıdır, xüsusən də mənzil. Sosiallaşmaq üçün əlavə pul lazımdır”.

Kanadanın digər böyük şəhəri Toronto isə əcnəbilər üçün ikinci ən bahalı şəhər kimi siyahıya alınıb. İştirakçıların 81 faizi şəhəri bahalı hesab etsə də, 56 faizi gəlirlərinin rahat həyat sürmək üçün yetərli olmadığını bildirib.

İspan əcnəbi şəhərin yaşayış şəraitini bu sözlərlə yekunlaşdırır: “Yaşayış dəyəri çox bahadır. Almaniyada və ya İspaniyada yaşadığım sosial həyatı davam etdirə bilmirəm.”

London əcnəbilər üçün üçüncü ən bahalı şəhər kimi qeyd edilib. Respondentlərin 70 faizi yaşayış minimumunu “çox yüksək” kimi qiymətləndirib. 46 faiz gəlirlərinin yetərli olmadığını bildirib.

Bir amerikalı qürbətçinin şərhi diqqətəlayiqdir: “Kaş ki, maaşlarımız yaşayış minimumu qədər artsın”.