Vatikan Roma Papası Fransisin 88 yaşında vəfat etdiyini açıqlayıb. Vatikan yalnız “X” sosial media platformasındakı paylaşımda Papanın öz iqamətgahında dünyasını dəyişdiyini bildirib.

“Bu səhər saat 7:35-də Roma yepiskopu Fransisk evinə Allahın hüzuruna qayıtdı. O, bütün həyatını Tanrıya və kilsəyə xidmət etməyə həsr etdi”, – Vatikanın Kamerlenqo kardinalı Kevin Ferrell elanda deyib.

“O, bizə və xüsusən də ən kasıb və ən təcrid olunmuş insanlara müqəddəs İncilin dəyərlərini – sədaqət, cəsarət və ümumbəşəri məhəbbətlə yaşamağı öyrətdi. Onun İsanın həqiqi şagirdi kimi göstərdiyi nümunəyə görə böyük minnətdarlıqla, Papa Fransisin ruhunu sonsuz mərhəmətli Allah sevgisinə əmanət edirik”, – kardinal Ferrell yazıb.

Papa bu yaxınlarda həyati təhlükəsi olan ikiqat pnevmoniya ilə mübarizə apararaq beş həftə Roma xəstəxanasında yatmışdı və martın sonunda Vatikana qayıtmışdı.

***

2013-cü il martın 13-də papalığın kürsüsünə keçən Papa Fransis iki günlük qısa seçim prosesindən sonra 115 kardinal arasından seçilmişdi.

266-cı Papa seçilən Fransis, Amerika qitəsindən seçilən ilk Latın Amerikası əsilli papa idi.

Vatikandakı katoliklərin ruhani lideri Papa Fransis bazar günü Pasxa mərasimində Müqəddəs Pyotr Meydanında minlərlə insana xeyir-dua vermək və onlara salamlaq üçün sürpriz şəkildə avtomobili ilə meydanda gəzdirmək üçün çıxmışdı.