2022-ci ilin fevralından Rusiya ilə müharibə vəziyyətində olan Ukrayna daimi atəşkəs üçün danışıqları davam etdirir, eyni zamanda cəbhədəki qoşunlarını gücləndirməyə çalışır.

“Z” nəsli, viral sosial media videoları və reklam lövhələri vasitəsilə reklam edilən “Müqavilə 18-24” adlı proqram vasitəsilə orduya qoşulmağa təşviq edilir. Ukrayna Müdafiə Nazirliyi öz “TikTok” hesabında “1 milyon Ukrayna qrivnasına nə qədər “McDonald's çizburgeri ala bilərsiniz?”, – sualını verib. Düzgün cavab 15 min 625 qeyd olunur.

Sıfır faizli ipoteka, 1 milyon Ukrayna qrivnası (41 125 manat) qeydiyyat bonusu, xaricdə tətil və aylıq təxminən 3 min dollar maaş kimi imkanlar təklif olunur. Bu əmək haqqı Ukraynanın orta əmək haqqının 6 qatına uyğundur.

Universitet ödənişlərinin əhatə dairəsi və diş müalicəsi üzrə endirimlər də “Müqavilə 18-24” ilə əhatə olunur.

Şərtlər cəlbedici görünsə də, fevral ayından başlayan proqram çərçivəsində orduya gedənlərin sayı 500 civarında qalıb.

Ukrayna rəsmiləri “The Wall Street Journal”a (WSJ) bildiriblər ki, bürokratiyanın yaratdığı gecikmə zamanı bir çox insan ailələrinin təzyiqi ilə üzləşib.

Kirilo Horbenko “WSJ”yə bildirib ki, 2023-cü ilin yayında 16 yaşında ikən 20-dən çox dostu ilə birlikdə hərbi qərargaha gedib və cəbhə xəttində döyüşmək istədiyini bildirib.

“Böyüyəndə gəl” cavabını alan gənclərin bir qisminin xaricə getdiyini, bəzilərinin isə imtina etdiyini bildirən Horbenko mart ayında 18 yaşı tamam olan kimi yenidən müraciət edib.

***

16 yaşlı Timur sinif yoldaşlarının bir-bir Avropaya qaçdığını və Slovak dilini öyrənərkən universitetdə oxumaq üçün ölkədən getməyi planlaşdırdığını deyir: “Müharibənin bitəcəyinə inanmıram”.

Digər tərəfdən cəbhədəki əsgərlər “milyonçu” ləqəbini qoyduqları gənclərə verilən güzəştdən narahat olduqlarını deyirlər.

2024-cü ilin əvvəlində məcburi hərbi xidmət yaşı 27-dən 25-ə endirilib. Bununla belə, bir çox şəxs rüşvət verməklə və ya gizlənərək hərbi xidmətdən yayınır.

Qərb ölkələri Kiyevi daha kiçik adamları orduya çağırmağa çağırsa da, Ukrayna lideri Vladimir Zelenski müharibədən sonra ölkənin gənclərə ehtiyac duyacağını vurğulayır.

Rusiya keçən il ordusuna daha 180 min əsgər əlavə etdiyini və bununla da xidmətdə olan əsgərlərinin sayını 1,5 milyona çatdırdığını açıqlamışdı.

Zelenski yanvar ayında bir milyona yaxın əsgərinin olduğunu və hər ay 30 min daha çox insanı işə götürdüyünü demişdi.