vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
AVROPA  
15:40 | 26 iyul 2019 | Cümə Məqaləyə 2650 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Xəyanətin qiyməti - 30 min avro

QRU avstriyalı polkovniki necə ələ alıb?

MÖVZU İLƏ ƏLAQƏLİ

Avstriyanın casusluqda ittiham etdiyi və beynəlxalq axtarışa verdiyi rusiyalı İqor Zaytsevin işi üzrə təfərrüatlar məlum olub.

Zaytsev 1987-ci ildə Avstriya silahlı qüvvələrinin polkovnikini öz tərəfinə çəkə bilib və onu hərbi xarakterli gizli məlumatları ötürməyə razı salıb. Zalsburq prokurorluğunun bəyanatında belə deyilir.

Qurum bildirir ki, avstriyalı hərbçi Zaytsevə ölkənin quru qoşunlarının və hərbi-hava qüvvələrinin hərbi sistemləri və vəzifələri haqqında məlumatları ötürüb. Əlaqə yaratmaq üçün onlar müasir casus texnikasından istifadə ediblər.

Prokuraturadan bildirildiyinə görə, casus fəaliyyətinin ifşasına xarici kəşfiyyat xidməti kömək edib. Həmin xidmətin əməkdaşları avstriyalı ilə rusiyalının görüşünü izləyiblər. Görüş zamanı hərbçi Zaytsevdən ötürdüyü məlumatların müqabilində nağd şəkildə 30 min avro pul alıb.

Rusiyalı İqor Zaytsev iyulun 25-də axtarışa verilib. Avstriya tərəfi onu Rusiya Silahlı Qüvvələrinin Baş Qərargahının Baş idarəsinin (əvvəlki QRU) zabiti kimi qələmə verir. Güman edildiyinə görə, Zaytsev 70 yaşlı zalsburqlu istefada olan polkovnikin kuratoru olub.

Avstriyalı polkovnik ötən ilin noyabr ayının 9-da dövlət sirrinin Rusiyaya ötürülməsində şübhəli bilinərək saxlanılıb. Adı açıqlanmayan hərbçi təqsirini etiraf edib. Məlum olub ki, o, Avstriya Müdafiə Nazirliyinin struktur planlaşdırma şöbəsində işləyib və idarədə aparılan vacib danışıqlar barədə məlumatlı ola bilərdi. Lakin onun gizli məlumatlardan xəbərsiz olduğu deyilir. (virtualaz.org)