vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
ENERGETİKA  
15:59 | 7 avqust 2019 | Çərşənbə Məqaləyə 4000 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Neft “ayı bazarı”na girdi

Apreldə 80 dollara yaxınlaşan qiymətlər, avqustda 60-ın altına düşdü

MÖVZU İLƏ ƏLAQƏLİ

ABŞ ilə Çin arasındakı ticarət müharibəsi nəticəsində neftə tələbin azalacağı gözlənilir. Tələbə dair narahatlıqların təsirilə Aprel ayının ortasında bu yana “Brent” nefti 20 faizdən çox ucuzlaşıb.

Aprel ayının ortasında “Brent”in qiyməti 75 dolları aşmışdı. Hazırda “Brent” 58,73 dollardan, ABŞ xam nefti (WTI) isə 53.50 dollardan alıcı tapır.

Ticarət gərginliyi ABŞ-da neft ehtiyatlarındakı azalmanı və İran Körfəzindəki hadisələri kölgədə qoyur.

ABŞ Neft İnstitutunun məlumatlarına görə, xam neft ehtiyatları keçən həftə 3.4 milyon barel azalıb. Bir əvvəlki həftə azalma 6 milyon barel təşkil etmişdi.

Dünyanın ən böyük iki iqtisadiyyatı arasında ticarət müharibəsi qlobal iqtisadi artıma mənfi təsir edir. Qlobal iqtisadi artımın ləngiməsilə neftə təlabatın azalacağı nəzərdə tutulur.

“Mizuho Securities Co.”nun  strateqi Miyoko Nakaşima, “ABŞ - Çin anlaşılmazlığının uzun bir müddət davam edəcəyinə şübhə yoxdur. WTI neftin bareli bu il 45 dollara qədər düşə bilər”, deyib.

“Ayı bazarı” ifadəsi, əsasən bazarların bədbin vəziyyətdə olduğu, qiymətlərin uzun bir müddət azalma trendində olduğu hallarda istifadə edilir. Bir məhsulun “ayı bazarı”na girdiyini söyləmək üçün qiymətin əvvəlki yüksək səviyyəsindən azı 20 faiz aşağı düşməsi lazımdır.

 

“Neft qiymətləri 20-30 dollara düşə bilər”

 

ABŞ-ın iri investisiya banklarından “Bank of America Merrill Lynch”a (BofA) görə, Çin ABŞ-ın son əlavə gömrük tarifi addımlarına cavab olaraq İrandan xam neft almağa qərar verərsə, neftin barelinin qiyməti 30 dollara qədər geriləyə bilər.

“Bank of America Merrill Lynch”ın Araşdırma departamenti Brent neft üzrə qiymət təxminini 60 dollarda qoruduqlarını, ancaq Çinin İrandan ola biləcək neft alışının qiymətlərdə enişə səbəb olacağını, bu ssenaridə qiymətin 20-30 dollara qədər enə biləcəyi xəbərdarlığını edib.

ABŞ Prezidenti Donald Tramp, Sentyabrdan etibarən 300 milyard dollarlıq Çin məhsullarına əlavə 10 faiz vergi tətbiq edəcəklərini açıqladı. Bunun ardınca Çin, yuanın dəyər itirməsinə icazə verdi. Sonra isə ABŞ Çini “məzənnə manipulyatoru” elan etdi.