20:11 | 13 fevral 2022 | Bazar
Məqaləyə 711 dəfə baxılıb
Şriftin ölçüsü
Əndazə...
İnsanların humanistliyi də bir yerə qədərdir
İbrahim NƏBİOĞLU
İsveçrədə referendum keçirildi.
Heyvanlar və insanlar üzərində laboratoriya təcrübələrinin qadağan edilməsi və bu təcrübələr sayəsində hazırlanmış məhsulların idxalını dayandırmaq haqda.
Referendumda İsveçrə əhalisinin 79 faizi “Xeyr” dedi.
Qanun layihəsi keçmədi…
İnsanların humanistliyi də bir yerə qədərdir.
Yəni əndazəni aşmamaq lazımdır.
İsveçrə aşmadı.
Referendumdan “Hə” çıxsaydı qida sənayesindən tutmuş dava-dərmana qədər mağazaların rəfində heç nə qalmazdı.
Bu təcrübələr olmasa tibb necə inkişaf edər, preparatlar, peyvəndlər necə təkmilləşdirilər, yeniləri necə istehsal edilər?
Qısası, iş gəlib insana toxunanda, söhbət insan sağlığından gedəndə heyvansevərlər heyvanları ikinci plana atdılar.
İndi çıxsınlar ortaya heyvan hüquqlarını qoruma dərnəkləri və onların ayaqüstdə zorla duran, gündə bir ovuc həb içən aktivistləri, görüm çıxa bilirlərmi.
Əndazəni aşmaq olmaz çünki.
Həm bəzi yerlərdə heyvanlar insanlardan daha çox haqqa sahibdirlər…
