vaxtlı-vaxtında oxuyun! Cümə axşamı, 19 may 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
RƏY, REPLİKA  
14:18 | 20 fevral 2022 | Bazar Məqaləyə 1464 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Növbədənkənar seçki ola bilərmi?

İqtidar və müxalifət eyni fikirdədir

Aysel ASLAN

MÖVZU İLƏ ƏLAQƏLİ

Azərbaycanda yenidən növbədənkənar parlament seçkilərinin keçiriləcəyi haqqında şayiələr dolaşmaqdadır. Xüsusilə, yay aylarında guya parlamentin buraxılacağı və ilin sonuna qədər erkən seçki keçiriləcəyi barədə müxtəlif iddialar səsləndirilir. Bu kimi fikirlər 2020-ci ilin fevralın 9-da baş tutan parlament seçkilərindən sonra Milli Məclisin boş qalan dairələrinə yenidən seçkilərin keçirilməməsi ilə əlaqələndirilir.

Maraqlıdır, növbədənkənar seçkinin keçirilməsi mümkündürmü? Bu haqda iqtidar və müxalifət təmsilçiləri nə düşünürlər?

Mövzu ilə bağlı danışan deputatlar parlamentin növbəti dəfə buraxılmasını istisna edirlər.

Yeni Azərbaycan Partiyasının (YAP) üzvü, deputat Aydın Mirzəzadə düşünür ki, növbədənkənar seçkilərlə bağlı ortaya atılan fikirlər şayiədən başqa bir şey deyil:

“Hazırda fəaliyyət göstərən parlament üzvləri növbədənkənar seçkilərdə seçiliblər. Yeni, vətənpərvər insanlar seçildilər və parlamentdə özlərini müsbət tərəfdən göstərirlər. Hazırda elə bir şərt yoxdur ki, növbədənkənar seçkilər keçirilsin.

Boş qalan yerlərlə bağlı vəziyyət imkan verən kimi seçkilər keçiriləcək. Bilirsiniz ki, artıq koronavirus pandemiyasının yeni dalğası bütün dünyanı, o cümlədən Azərbaycanı bürüyüb. Yoluxma ilə bağlı durum stabilləşəndə yenidən seçki keçirilə bilər”.

Böyük Quruluş Partiyasının sədri, deputat Fazil Mustafa da həmkarı ilə eyni fikirdədir:

“Pandemiya dövründə necə seçki keçirilsin? Parlament öz fəaliyyətini qənaətbəxş şəkildə davam etdirir. Seçki zərurətdən irəli gəlir. İndiki vəziyyətdə heç bir zərurət yoxdur. Hərə bir ssenari ortaya qoyur. Amma bu, şayiədir. Boş qalan yerlərə təkrar seçki keçirilə bilər, bu istisna deyil. Növbədənkənar seçkilərə isə dediyim kimi, zərurət yoxdur”. (Modern.az)


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.