vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
BÖHRAN  
13:52 | 19 aprel 2022 | Çərşənbə axşamı Məqaləyə 290 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Məktəbə qumbara atdılar

Kabildə 7 nəfərin ölümü ilə nəticələnən terror törədilib

MÖVZU İLƏ ƏLAQƏLİ

Aprelin 19-da Əfqanıstan paytaxtı Kabildə oğlan məktəbində üç partlayış törədilib, azı 7 nəfər həlak olub, 14 nəfər yaralanıb. Hadisə şiə hazaraların yaşadığı ərazidə baş verib.

Paytaxtın qərb hissəsində Dəşti-Bərçi rayonunda Əbdül Rəhim Şahid adına orta məktəbdə partlayış qurbanları arasında uşaqlar da var, amma dəqiq sayları bəlli deyil.

Təhlükəsizlik rəsmisinin “dpa” agentliyinə dediyinə görə, partlayışlar əl qumbaraları ilə törədilib.

Hücuma görə məsuliyyəti götürən olmayıb.

İndiyədək hazaraların digər yaşayış məhəllələrində İslam Dövləti silahlı qruplaşması hücumlar törədib.

Taliban hakimiyyətinin daxili işlər nazirliyinin sözçüsü hadisə yerində müstəntiqlərin işlədiyini deyib.

Bir şahidin sözlərinə görə, partlayışlar şagirdlər səhər dərsindən çıxarkən törədilib.

Ötən ilin mayında Əfqanıstan paytaxtının həmin rayonunda partlayışlar nəticəsində azı 85 dinc sakin öldürülmüş, onlarla insan yaralanmışdı. Ölənlər əsasən məktəbli qızlar idi.