vaxtlı-vaxtında oxuyun! Cümə axşamı, 19 may 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
BÖHRAN  
12:42 | 13 may 2022 | Cümə Məqaləyə 363 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dnestryanı separatçılarının “hücum oyunu”

Yanacaq deposuna atılan “Molotov kokteyli” ot tayasına düşüb

MÖVZU İLƏ ƏLAQƏLİ

Moldovanın separatçı Dnestryanı regionundakı orqanları mayın 13-də paytaxt Tiraspolda yanacaq deposuna və çağırış mərkəzinə hücum cəhdi olduğunu bildiriblər.

Rusiyanın dəstəklədiyi regionda son həftələr bir neçə oxşar insidentlə bağlı xəbərlər qonşu Ukraynadakı münaqişənin oraya keçəcəyi sarıdan narahatlığı artırıb.

Qondarma “Daxili İşlər Nazirliyi”nin bəyanatında deyilir ki, səhər 4:15 radələrində bir müəssisənin yanacaq deposu yaxınlığında maşın saxlayıb, bir nəfər düşərək binaya “Molotov kokteyli” ataraq qaçıb.

Məlumatda otun alışdığı, “dərhal” söndürüldüyü bildirilir.

30 dəqiqə sonra isə Tiraspolda çağırış mərkəzinə “iki “Molotov kokteyli”nin atıldığı” xəbər verilir.

“Biri səkidən düşüb, digəri pəncərənin barmaqlığına dəyib. Yanğın təhlükəsizlik xidməti tərəfindən dərhal söndürülüb”, – nazirlik bildirir.

Dnestryanı 1990-cı ildə Kişinyovdan “müstəqilliyi”ni elan edib. Tərəflər 1992-ci ildə qısamüddətli müharibə aparıblar. Rusiya separatçıların tərəfindən münaqişəyə müdaxilə edib. Moskvanın regionda 2 minədək əsgəri var.

Rusiya generalı bu yaxınlarda deyib ki, Moskvanın işğalının məqsədi Ukraynanın cənubundan Dnestryanıya quru dəhlizi açmaqdır.

Ukrayna daha öncə Dnestryanıdan gələn xəbərləri Rusiyanın hərbi müdaxiləyə əsas yaratmaqdan ötrü regionda sabitliyi pozmaq cəhdi kimi yozub.

Avropa İttifaqı mayın 4-də Moldovaya hərbi yardımı artırmağa boyun olub.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.