vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
REGİON  
19:18 | 16 may 2022 | Bazar ertəsi Məqaləyə 316 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ermənistanda 90-dan çox etirazçı saxlanıb

Müxalifət gün ərzində daha hansı aksiyaların keçiriləcəyi barədə məlumat verməyib

MÖVZU İLƏ ƏLAQƏLİ

Ermənistanda baş nazir Nikol Paşinyanın istefasını tələb edən müxalifət bu gün (mayın 16-da) etiraz aksiyasına avtoyürüşlə başlayıb. Paytaxt İrəvana bir neçə istiqamətdən daxil olan yürüşçülər mərkəzə doğru hərəkət ediblər.

Yürüşçülər yavaş sürətlə hərəkət edir, küçələrdə nəqliyyatın hərəkətini dayandırmaq istəyirdilər.

Bunun ardınca polis avtoyürüşü dayandırıb və onlarca etirazçı saxlanıb.

Polis etirazçıların saxlanmasının səbəbini onlara izah etmirdi.

***

Bu gün ümumilikdə 90-dan çox vətəndaş saxlanıb. Bu da xəbər verilir ki, polis avtoyürüş sürücülərini maşınlardan dartıb çıxarırdı.

Sürücüsüz qalan avtomobilləri isə yedəklə cərimə meydanına aparırdılar.

Daha sonra polis bildirib ki, avtoyürüşçülər yalnız küçə hərəkətini dayandırmırdılar, onlar ümumən başqa nəqliyyat vasitələrinə təhlükə yaradırdılar.

Müxalifət gün ərzində daha hansı aksiyaların keçiriləcəyi barədə məlumat verməyib.

Bununla belə etirazçılar sabah, sabah daha böyük aksiya keçirəcəklərini elan ediblər.

***

Dünən müxalifət hərəkatının liderlərindən biri, Milli Məclisin vitse-spikeri İşxan Saqatelyan deyib ki, bu gün üçün Fransa meydanında heç bir mitinq planlaşdırılmayıb.

Ermənistanda parlament müxalifəti aprelin sonlarından bəri aramsız etiraz aksiyaları keçirir.

Müxalifətin mayın 1-də keçirilən mitinqində vətəndaş itaətsizliyi elan edilib.

Müxalifət etiraz aksiyalarına baş nazir Nikol Paşinyan parlamentdəki çıxışında “beynəlxalq icma bizim Qarabağ ambisiyamızın bir az aşağı salınmasını istəyir” deyəndən sonra başlayıb.

Ermənistan müxalifəti Paşinyanı Qarabağı Azərbaycana “təhvil verməkdə” ittiham edir.

Hakimiyyət müxalifətin bu ittihamını rədd edir və bildirir ki, Dağlıq Qarabağ ermənilərinin hüquq və azadlıqlarını müdafiə etmək əzmindədir.

İqtidar bunu da bildirir ki, müxalifət geniş xalq kütləsinin istəklərini təmsil etmir.