

Rusiyanın hücumu nəticəsində 17 dinc sakin ölüb, onlarla yaralanan var
Bəşər Əsədin Luqansk və Donetski separatçılarını tanıdığı üçün
Co Bayden: “Ukraynanı nə qədər lazımdırsa, dəstəkləyəcəyik”
Bayden: “NATO təkcə daha güclü yox, həm də daha yekdil olacaq”
Sanksiyalardan əvvəl fəaliyyət göstərən 20 müəssisədən indi cəmi 2-si işləyir
Rusiya Ukraynada çıxa bilməyəcəyi pusquya düşdü
Rusiyalılar katerlərlə qarnizonun qüvvələrini tələsik evakuasiya ediblər
Makron Moskvanı göz yaşlarına inandıra bilməyib
Bayden Ərdoğanı təriflədi
Uşaqlar müharibənin ağır yükünü daşımaqda davam edir
Boris Conson Putin haqda: “Bu, onun Ukraynada etdiyidir”
Rusiya Ukraynaya təcavüz edəndən bəri keçirilmiş ən böyük əsir dəyişdirilməsi gerçəkləşib
“Promcomplektlogistic” Rusiyaya sanksiyalardan yayınmaqda kömək edib
Qarabağda müharibə başlayır?
İşğal edilən ərazilərin Rusiyaya birləşdirilməsi “qanuniləşdirilir”
ABŞ Rusiyanın müdafiə sənayesi və qızıl idxalına yeni qadağalar tətbiq edib
Ukrayna qoşunlarının Rusiyanın müdaxiləçi qüvvələrini geriyə oturtduğuna dair xəbərlər gəlir. “Reuters” agentliyi yazır ki, son günlərdə Ukrayna silahlı qüvvələri Rusiya qoşununu Xarkov ətrafında Rusiyanın öz sərhədlərinə doğru sıxışdırıblar.
Ukrayna Daxili İşlər Nazirliyinin müşaviri Vadim Denisenko deyib: “Ukraynanın əks-hücumunu heç nə dayandıra bilməz. Biz bunun sayəsində Rusiya qüvvələri qrupunun arxasına keçmişik”.
Ukraynanın Müdafiə Nazirliyi mayın 16-da bəyan edib ki, Ukrayna Silahlı Qüvvələrinin 227-ci və 127-ci batalyonları Xarkov vilayətində Rusiya sərhədinə çatıb.
Xarkovun qubernatoru Oleq Sinequbov deyib ki, sərhəd nişanı bərpa edilib.
“Biz öz həyatlarını riskə qoyaraq Ukraynanı Rusiya müdaxiləçilərindən azad edənlərin hamısına təşəkkürümüzü bilsdiririk”.
Xarkov Rusiyanın Ukraynaya müdaxiləsinin ilk günlərindən ağır bombardmanlara məruz qalıb.
“Reuters” agentliyi bildirir ki, Ukrayna qoşunlarının Rusiya sərhədinə çatmasına dair xəbərləri hələki müstəqil mənbələrlə yoxlamaq mümkün olmayıb.
***
Agentlik yazır ki, Xarkov yaxınlığındakı uğurlar Ukraynaya Rusiya qüvvələrinin təchizat xətlərinə birbaşa zərbələr endirmək imkanı verib.
Luqansk regionunun qubernatoru Sergey Qayday deyib ki, bu ərazidə vəziyyət mürəkkəb olaraq qalır.
Rusiya qüvvələri hazırda Severodonetsk şəhərini işğal etməyə çalışır.
Onun sözlərinə görə Ukraynanın 28 şəhər və kəndi ağır bombardman edilir.
Cənub istiqamətində döyüşlər Rusiyanın işğalında olan Xerson yaxınılığında gedir.
Rusiya Nikolayev şəhərini ağır toplardan atəşə tutur.
***
“Reuters” bunu da xəbər verir ki, Ukrayna sərhədçiləri ölkənin şimal-şərqindəki Sumı regionunda Rusiyanın təxribat və kəşfiyyat qrupunu geri oturdub.
Ayrıca olaraq Ukrayna sərhəd qoşunlarının məlumatında deyilir ki, Rusiyanın Çerniqov və Sumı bölgələrini artilleriyadan atəşə tutması əhali üçün təhlükə yaradır, lakin hər iki ərazi Ukrayna qoşunlarını nəzarətindədir.
Ukrayna sərhəd qoşunlarının başqa bir məlumatında deyilir ki, mayın 10-dan ölkəyə qayıdan ukraynalıların sayı ölkədən gedənlərdən çox olub.
NATO-nun baş katibi Yens Stoltenberq mayın 15-də deyib ki, Ukrayna bu müharibədə qalib gələ bilər.
Başqa müharibə ekspertləri də bu qənaətdədirlər.