vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
BÖHRAN  
21:29 | 19 may 2022 | Cümə axşamı Məqaləyə 756 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yüksək rütbəlilər “vurulur”

1-ci qvardiya tank ordusunun komandanı Sergey Kisel Xarkovu tuta bilmədiyi üçün vəzifəsindən kənarlaşdırılıb

MÖVZU İLƏ ƏLAQƏLİ

Rusiyada son zamanlar Ukraynadakı hərbi uğursuzluqlarla bağlı yüksək rütbəli zabitlər ya vəzifədən qovulub, ya da işdən kənarlaşdırılıb. Bu məlumat Britaniya Müdafiə Nazirliyi kəşfiyyatının gündəlik xülasəsində dərc olunub.

Məlumatda deyilir ki, məsələn 1-ci qvardiya tank ordusunun komandanı Sergey Kisel Xarkov şəhərini tuta bilmədiyinə görə vəzifəsindən kənarlaşdırılıb. Britaniya MN kəşfiyyatının məlumatına görə Qara dəniz donanmasının admiralı İqor Osipov (məlumatda rütbəsi vitse-admiral kimi göstərilib) “Moskva” kreyserinin batması ilə bağlı işdən çıxarılıb. Bu kreyser Ukrayna tərəfindən raketlərlə vurulmuşdu.

Məlumatda Rusiya silahlı qüvvələri baş qərargahının rəisi Valeri Gerasimovun öz postunda qaldığı deyilir. Lakin bu da əlavə olunur ki, Putinin Gerasimova etibarının qalıb-qalmadığı məlum deyil.

Britaniya Müdafiə Nazirliyi kəşfiyyatının brifinqində deyilir ki, hazırda Rusiya silahlı qüvvələrində və təhlükəsizlik xidmətlərində “uğursuzluqlar barədə sükut və qurbanlıq keçi axtarışı mədəniyyəti” geniş yayılıb: “Ukraynaya müdaxilə ilə bağlılığı olan bir çox məmurlar bundan sonra əməliyyat uğursuzluqları üçün şəxsi məsuliyyətdən yaxa qurtarmağa çalışacaqlar. Bu isə öz növbəsində Rusiyanın mərkəzləşdirilmiş komandanlıq modeli üzərinə təzyiq yükünə çevriləcək. Çünki zabitlər getdikcə daha çox əməliyyatlarda ən əsas qərarların rəhbərlik tərəfindən qəbul olunacağına belə bağlayırlar”.

Bundan əvvəl Ukrayna xüsusi xidmətləri və Rusiyanın təhqiqat jurnalistləri ölkənin ordu və xüsusi xidmətlərində istefa və həbslər barədə məlumatlar yayıb.