

İspaniya sammitin ev sahibi kimi NATO-ya çağırış edib
Rusiya Belarusa nüvə silahı daşıya bilən “İsgəndər-M” raketləri vəd edir
Siyahıyla bağlı yekun qərar NATO sammitində sonra veriləcək
Böyük yeddiliyin dörd ölkəsindən Kremlə növbəti embarqo
Rusiyalı endirdiyi zərbələr çoxmərtəbəli yaşayış binasını dağıdıb
Dövlət başçıları Alp dağlarındakı qalada toplanıb
Böyük Britaniya baş naziri Moskva ilə razılaşmaya getmək üçün Kiyevə olacaq təzyiqlərdən ehtiyat edir
Konqres Ukraynadakı müharibə cinayətlərini soyqırımı kimi tanımağa hazırlaşır
Kreml Minski müharibəyə cəlb etməyə səy göstərir
“Ruslar ağır itkilər verib, çox sayda texnikaları məhv olub”
Qubernator və merin verdiyi xəbəri nə Kiyev, nə də Moskva təsdiqləməyib
30 müttəfiqin İkinci Dünya Müharibəsindən sonra ən mühüm tarixi sammiti
Fransa və Rusiya prezidentlərinin Ukrayna ilə bağlı telefon danışıqları açıqlanıb
Təkcə Jitomirə 24 raket zərbəsi endirilib
Ukraynada gücü 13 min meqavatdan çox 15 bloklu 4 AES var
Bayden müharibə ilə bağlı qiymət artımı fonunda ABŞ-da benzinə verginin azaldılmasına çalışır
Rusiya Dövlət Dumasına müqaviləli hərbi xidmət üçün yuxarı yaş həddinin ləğvi barədə qanunvercilik layihəsi təqdim olunub. Layihənin mətni dumanın rəsmi saytında dərc edilib.
Hazırda mövcud olan qanuna görə Rusiya vətəndaşı müqaviləli hərbi xidmət üçün 40 yaşına, xarici vətəndaş isə 30 yaşınadək müraciət edə bilər.
Layihənin müəllifləri – hakim Vahid Rusiya partiyasından müdafiə komitəsinin sədri və müdafiə nazirinin keçmiş müavini Andrey Kartapolov və onun komitə üzrə birinci müavini Andrey Krasovdur.
Onlar əmək qabiliyyətli əhali üçün müqaviləli hərbi xidmətin yuxarı yaş həddinin ləğv olunmasını təklif edirlər.
Beləliklə, bu layihə qəbul olunarsa, Rusiya vətəndaşları 65 yaşınadək müqaviləli hərbi xidmətə cəlb oluna bilərlər.
Deputatlar hesab edirlər ki, qanun orduya hazırda ehtiyac duyulan yeni mütəxəssislərin, əsasən həkim və mühəndislərin cəlb olunmasına imkan verəcək.
***
Qanun layihəsinə əlavə edilmiş izahatda deyilir ki, müasir orduda “dəqiq silahlardan istifadə və onlara xidmət göstərilməsi üçün yüksək ixtisaslı şəxslərə ehtiyac var”.
Qanun layihəsi müəlliflərinin fikrincə belə ixtisaslı ekspertlər 40-45 yaşlarında formalaşır.
Ekspertlər diqqəti belə bir məqama çəkirlər ki, layihə məhz indi Rusiya ordusunun Ukraynada ağır itkilərə məruz qaldığı bir vaxtda təklif olunub.
May ayının əvvəllərində Britaniya və ABŞ mediası və kəşfiyyatı prezident Vladimir Putinin bu itkilərlə bağlı ümumi səfərbərlik elan edə biləcəyini bildirirdilər.
Kreml bu kimi xəbərləri “yalan” və “cəfəngiyyat” adlandırırdı.
İndi isə sözü gedən qanun layihəsi qəbul olunduqdan sonra əhalinin daha yaşlı kateqoriyasını müharibəyə cəlb etmək mümkün olacaq.
***
“Reuters” agentliyi yazır ki, Rusiya ordusu Mariupol şəhərinin xarabalıqları üzərində nəzarəti ələ alsa da, Donbas regionunu tamamilə zəbt edə bilməyib.
ABŞ-ın Avropadakı Silahlı Qüvvələrinin keçmiş komandanı general Ben Hoces deyib ki, Moskva üçün Ukraynadakı uğursuzluqları gizlətmək get-gedə çətinləşir:
“Aydın məsələdir ki, rusların başı bəladadır. Belə görünür ki, bu qanun layihəsinin təqdim olunması əhalini həyəcana gətirmədən canlı qüvvə çatışmazlığını aradan qaldırmaq məqsədi güdür”.
Britaniyadakı “RUSİ” Analitik Mərkəzində hərbi məsələlər üzrə ekspert Cek Uotlinq də bildirir ki, Rusiya ordusu canlı qüvvə sarıdan problemlə üzləşib:
“Rusiya Ukraynadakı hərbi birləşmələrində heyət sabitliyini qoruyub saxlamağa və yeni hərbi birliklər yaratmağa çalışır. Bu çox yavaş və mürəkkəb proses olacaq. Digər tərəfdən hərbi təcrübəsi olan şəxsləri hərbi xidmətə cəlb etməklə bu prosesi sürətləndirmək olar”.