vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
AVROPA  
15:07 | 26 may 2022 | Cümə axşamı Məqaləyə 473 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Abramoviçə “Çelsi”ni satmağa icazə verilib

Satışdan gələn pul Ukraynadan məcburi köçkünlərə yardım fonduna köçürüləcək

MÖVZU İLƏ ƏLAQƏLİ

Böyük Britaniya hökuməti rusiyalı milyarder Roman Abramoviçə “Çelsi” futbol klubunun satışına lisenziyanı verib. Britaniya idman naziri Nadine Dorries bildirib ki, İngiltərə hökuməti “Çelsi”nin “Los Angeles Dodgers”ın səhm-sahibi Todd Bohlinin rəhbərlik etdiyi və “Clearlake Capital” tərəfindən dəstəklənən konsorsiuma satışına icazə verən lisenziya verib.

Futbol klubunun hazırkı sahibi Roman Abramoviç Britaniya hökuməti tərəfindən sanksiyalara məruz qalıb. O, Moskvanın “xüsusi hərbi əməliyyat” adlandırdığı Rusiyanın Ukraynaya müdaxiləsindən sonra martın əvvəlində “Çelsi” klubunu satışa çıxarıb.

Britaniya hakimiyyəti əmin idi ki, sövdələşmənin bəyan edilmiş şərtləri nə Abramoviçə, nə də sanksiyalar altında olan hər hansı digər şəxsə maliyyə faydası gətirəcək.

Klubu “Los Angeles Dodgers” beysbol komandasının sahibi, amerikalı milyarder Todd Bohli də daxil olmaqla, iş adamları konsorsiumu 4,25 milyard funta (təqribən 5,3 milyard dollar) satın alacaq. Gəlirlər Böyük Britaniyadakı dondurulmuş bank hesabına köçürüləcək, sonra Abramoviçin söz verdiyi kimi Ukraynadakı müharibə qurbanlarına kömək edən xeyriyyə fonduna göndəriləcək.

Bu məbləğin 2,5 milyard funt-sterlinqi (təqribən 3 milyard dollar) “Çelsi”nin səhmlərinin alınmasına sərf olunacaq. Daha 1,75 milyard funt-sterlinq (təqribən 2,1 milyard dollar) yeni sahiblər tərəfindən klubun inkişafına, o cümlədən qadınlar komandasına, “Çelsi” akademiyasına və klubun Londondakı iki stadionuna investisiyalara yatırılacaq.

Roman Abramoviç Rusiyanın ən varlı adamları siyahısındadır. Onu Rusiya prezidenti Vladimir Putinə yaxın oliqarx adlandırırdılar. Lakin, o özü bunu inkar edir və Rusiyanın siyasi həyatında iştirak etmir. Abramoviçin Rusiya və İsrail pasportları var.

Rusiyanın Ukraynaya təcavüzündən sonra Avropa İttifaqı və Böyük Britaniya ona qarşı sanksiyalar tətbiq edib. Buna görə ABŞ-ın bir neçə fondu onun aktivlərini dondurub, ABŞ Ticarət Nazirliyi isə onun təyyarəsinə texniki xidmət göstərilməsini qadağan edib. 13 aprel 2022-ci ildə Cersi adasının Məhkəməsi Abramoviçlə əlaqəli 7 milyard dollardan çox aktivləri dondurub.

Roman Abramoviç “Çelsi” klubuna 2003-cü ildən sahibdir və martda onun satıldığını elan edib.