vaxtlı-vaxtında oxuyun! Bazar ertəsi, 27 iyun 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
BÖHRAN  
14:11 | 22 iyun 2022 | Çərşənbə Məqaləyə 283 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İşğalçılar Lisiçanskı bombalayır

“Onlar oradakı hər şeyi sadəcə məhv edirlər”

MÖVZU İLƏ ƏLAQƏLİ

Rusiya qüvvələri Ukraynanın Donbas regionunu atəş altında saxlayır, Luqansk vilayətindəki Lisiçansk və Severodonetsk şəhərlərində Ukrayna qüvvələrini tam mühasirəyə almağa çalışır.

Luqansk hərbi administrasiyasının başçısı Sergey Qayday Lisiçanskdakı Ukrayna qüvvələrinin nəhəng və amansız artilleriya hücumuna məruz qaldığını deyib.

“Onlar oradakı hər şeyi sadəcə məhv edirlər. Binaları dağıdıblar və təəssüf ki, itkilər var”, – Qayday “Telegram”da yazıb.

***

Britaniyanın Müdafiə Nazirliyi iyunun 22-də gündəlik kəşfiyyat bülletenində qeyd edib ki, müharibənin nəticəsi tərəflərin cəbhəyə ehtiyat bölümlərini cəlb etmək bacarığından asılı olacaq.

Britaniya kəşfiyyatı Donetskdə Moskvanın dəstəklədiyi separatçı hakimiyyətin ilkin qüvvə sayının 55 faizi qədər itki verdiyini bildirir. Separatçı qurum özü 2100 ölü, 8900 yaralısı olduğunu açıqlayıb.

Hesabata görə, separatçılar köhnəlmiş Rusiya silahları və avadanlığı ilə təchiz ediliblər. Martın 25-dən bəri rəsmi itki sayını dərc etməyən Rusiya nizami qüvvələrinin də böyük itki verdiyi qeyd olunur.

Ukrayna da rəsmi itki sayını açıqlamır, ancaq Prezident Vladimir Zelenski və digər rəsmiləri hər gün 100-ədək əsgərin öldürüldüyünü bildiriblər.

***

İyunun 21-də Ukrayna ordusu Rusiya qüvvələrinin Lisiçansk və Severodonetsk yaxınlığında iki şəhəri tutduğunu açıqlayıb. Pidlisne və Mirna Dolina Toşkivka-Pidlisne istiqamətində yerləşirlər.

Ukrayna Rusiyanın Toşkivka cəbhə kəndini də ələ keçirdiyini təsdiqləyib.

Britaniya kəşfiyyatının məlumatına görə, itkilərin artmasına baxmayaraq, Rusiya “Donbasa xeyli sayda ehtiyat bölmələri yerləşdirməyə hazırlaşır”.

Zelenski isə ötən gecəki müraciətində hərbi vəziyyətin çox çətin olduğunu deyib.

Severodonetskdəki Azot kimya zavodunda 500-dək dinc sakinin qaldığı xəbər verilir.