vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
GÜNDƏM  
20:54 | 23 iyun 2022 | Cümə axşamı Məqaləyə 320 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycanın strateji tərəfdaş olan ilk Aİ üzvü

Bu ölkəyə İnvestisiya yatıran şirkətlər arasında SOCAR liderdir

Eldəniz ƏMİROV

MÖVZU İLƏ ƏLAQƏLİ

İki ölkə arasında ticarət dövriyyəsinin maksimal həcmi 2018-ci ildə olub. Həmin bu göstərici 389 milyon dollar çatmışdır. Sonrakı 2 ildə azalmalar olduğundan 2020-ci ildə 164 milyon dollar qədər enmişdir. Lakin yenidən ticarət dövriyyəsi sürətlə artmağa başlayıb. Belə ki, 2021-ci ildə Azərbaycanın Rumıniya ilə ticarət dövriyyəsində 31,3 faiz, bu ilin yanvar-aprel aylarında isə 2,77 dəfə artım olub. Bu isə cari ilin ilk 4 ayında ticarət dövriyyəsinin 180 faizlik bir artım deməkdir.

Ticari dövriyyənin strukturunda isə  ixracımız bütün illərdə idxalı üstələmişdir. Bunun da əsas səbəbi bu ölkəyə bahalı neft və neft məhsulları ixrac etməyimizdir. Müxtəlif illər üzrə idxal 20-37% idxal, ixrac 63-80 faiz nisbi bölgüsündə olmuşdur.  İxracımızın 83 faizini neft və neft məhsulları, bitium tərkibli maddələr, mineral mummar, yerdə qalan hissəsini isə üzvi-kimyəvi maddələr, gübrələr və s. təşkil edir. İdxalımızı isə əczaçılıq məhsulları, müxtəlif maddələr, qara metallardan məmulatlar, paltarlar, ərzaq məhsulları, yerüstü nəqliyyat və s. təşkil edir. Eyni zamanda yanacaq idxal etdiyimiz ölkələr arasında Rumıniya da vardır. Premium benzinin bir hissəsi məhz bu ölkədən idxal edilir.

Yatırılan investisiyalara gəldikdə isə bu günə qədər Azərbaycan şirkətləri Rumıniya iqtisadiyyatına 125 milyon dollar, bu ölkənin şirkətləri isə Azərbaycan iqtisadiyyatına 30 milyon ABŞ dolları investisiya yatırıb. 

Rumıniyaya investisiya yatıran şirkətlər arasında SOCAR lider mövqeyə malikdir. Belə ki, SOCAR Rumıniya iqtisadiyyatına 69 milyon dollar investisiya yatırıb. SOCAR-ın bu ölkədə 67 yanacaqdoldurma məntəqəsi və 3 yanacaq saxlama deposu da daxilolmaqla ümumilikdə Rumıniyada 700-dən çox işçisi var. 

Rumıniya şirkətləri isə Azərbaycanda əsasən tikinti, inşaat, nəqliyyat sahələrində fəaliyyət göstərirlər. 

Əksər ölkələrlə olduğu kimi Rumıniya ilə də iqtisadi əlaqələrin genişləndirilməsi  üçün potensial çox genişdir. Bir çox sahələrdə genişlənmələr mümkündür. Amma hazırda Azərbaycan tərəfinin ehtiyac duyduğu əsas istiqamət kənd təsərrüfatının inkişafı, burada məhsuldarlığın artırılmasına nail olmaqdır ki, bu işdə Rumıniya ilə əlaqələr ciddi töhfə verə bilər. Rumıniya kifayət qədər həcmə malik taxıl istehsalçısıdır. Orada bu sahə hərtərəfli inkişaf edib. Bu təcrübənin Azərbaycanın əksər yerlərində, o cümlədən işğaldan azad edilmiş ərazilərdə istifadə edilməsi yaxşı olardı. Çünki bu ölkə məhz kənd təsərrüfatında yeni texnologiyaların tətbiqi ilə ciddi məhsuldarlıq göstəricilərinə malikdir.