vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
BÖHRAN  
19:12 | 25 iyun 2022 | Şənbə Məqaləyə 328 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Severdonetsk işğalçıya baha başa gəlib

“Ruslar ağır itkilər verib, çox sayda texnikaları məhv olub”

MÖVZU İLƏ ƏLAQƏLİ

Rusiya şənbə səhər Ukrayna boyu raketlər atıb və xüsusilə də hərbi obyektləri hədəf alıb. “The New York Times” hücumlarda 40-dan çox raketin istifadə edildiyini bildirib. Qəzet onların Rusiya Prezidenti Vladimir Putinin Sankt Peterburqda Belarus Prezidenti Aleksandt Lukaşenko ilə planlaşdırılan görüşündən saatlar öncə Belarus hava hövzəsindən atıldığını bildirir.

Hücumlar nəticəsində ölənlərin olub-olmadığını dərhal bəlli olmayıb.

Bu arada Ukrayna qüvvələri həftələrdir Rusiya qüvvələri ilə ağır döyüşlərdən sonra şərqdəki Severodonetsk şəhərindən geri çəkilirlər. Bu barədə bölgə rəsmisi məlumat verib. Ruslar şəhərə yaxınlaşdıqda, Luqansk bölgəsinin hərbi administrasiyasının başçısı Sergey Qayday deyib ki, artıq onun sözlərinə görə, qırıq mövqelərdə qalmağın “mənası yoxdur”.

O deyib ki, Severodonetskdə qoşunlara yeni mövqelərə keçmək əmri verilib.

***

Ukrayna bildirib ki, Rusiya qüvvələri Luqansk bölgəsindəki qonşu Lisiçansk şəhərini tamamilə işğal ediblər. Moskva ərazidə 2000-ə yaxın Ukrayna əsgərini mühasirəyə aldığını iddia edib.

Rusiyanın əldə etdiyi irəliləyişlər Kremli Luqansk vilayətinin tam nəzarətini ələ keçirməyə yaxınlaşdırır ki, bu da Moskvanın bəyan etdiyi müharibə məqsədlərindən biridir.

Ukraynanın baş generalı cümə günü ABŞ-dakı həmkarına deyib ki, Ukraynanın Luqanskdakı vəziyyəti sabitləşdirmək üçün Rusiya ilə “silah bərabərliyi”nə ehtiyacı var.

“Biz əməliyyat vəziyyətini və beynəlxalq texniki yardım axınını müzakirə etdik”, – Ukraynanın generalı Valeri Zalujnı ABŞ-ın Birgə Qərargahlar rəisi general Mark Milli ilə telefon danışığından sonra “Telegram” tətbiqində yazıb.

Ukrayna bildirib ki, Rusiyanın Donbas cəbhə xəttində artilleriya üstünlüyü Ukrayna qoşunlarına əhəmiyyətli zərbə vurur. O, Qərb tərəfdaşlarını defisiti azaltmaq üçün onları daha çox silahla təchiz etməyə çağırıb.

ABŞ-ın yüksək vəzifəli müdafiə rəsmisi cümə günü Ukraynanın Severodonetskdən geri çəkilmək qərarını alqışlayıb və bu addımı “peşəkar” və “taktiki” adlandırıb.

“Onlar özlərini daha yaxşı müdafiə edə biləcəkləri bir mövqeyə salırlar”, – adının anonim qalmasını istəyən rəsmi jurnalistlərə bildirib.

Rəsmi Rusiya qüvvələrinin Severodonetsk ətrafında irəliləyişlər əldə etdiyini bildirirsə də, bu irəliləyişlərin çox baha başa gəldiyini deyib.

“Ruslar ağır itkilər veriblər, onlar həmçinin çox sayda texnika itiriblər”, – rəsmi deyib. “Rusiya qüvvələri yorulma əlamətlərini göstərirlər və mənəvi cəhətdən zəifləyirlər və bu, onların sürətlə irəliləmək qabiliyyətinə təsir edir”, – o bildirib.