

Putinin dostu 4 ölkəyə Ukraynanı bölməyi təklif edir
Hamilə deputatın Rusiyadan qaçışı
Söhbət Xersondan və ətraf ərazidən gedirsə, sentyabrın sonunacan mümkündür
Dnepr üzərindəki keçidlərə nəzarət Xerson döyüşlərində əsas faktora çevriləcək
“Nə qədər ki gec deyil Xersonu tərk edin”
İşğalçılar qanunsuz klastr bombalarından istifadədə suçlanır
Rusiyanın ümumqoşun ordusu ilə bağlı ilginc statistika
Qırğızıstan vətəndaşları da müharibəyə aparılır
Vaşinqton Ankaranın Moskva ilə Kiyev arasındakı vasitəçiliyindən narahatdır
Ukrayna müharibəsini proqnozlaşdırmaq üçün kart dəsti çoxdur
İçkeriyanın azad edilməsi üçün döyüşəcək olanlar silahdan çox, informasiya dəstəyi istəyir
Rusiya hər yerdə planları pozmaq, qarışıqlıq yaratmaqla güzəştlər əldə etməyə çalışır
Rusiya-Ukrayna arasında bağlanan sazişin mürəkkəbi qurumadan Odessa limanı bombalandı
Ukraynadan Rusiyaya öz ampluasında cavab
“Hökumətin bəyanatlarının dəyişdirilməsindən narahatıq”
Senatorlar Ukrayna cinayətlərinin soyqırım kimi tanınması üçün qətnamə təqdim edib
BMT-nin Uşaq Fondu bildirir ki, 2005-2020-ci illər arasında silahlı münaqişələrdə uşaqlara qarşı 266 mindən çox qanun pozuntusu törədilib. Afrika, Asiya, Yaxın Şərq və Latın Amerikası üzrə 30-dan çox münaqişənin təhlili göstərir ki, uşaqlar müharibənin ağır yükünü daşımaqda davam edir və onun ağlasığmaz dəhşətlər adlandırdığı şeylərə dözmək məcburiyyətindədirlər.
Mövzu ilə bağlı hesabat müəllifləri bildirir ki, hesabatdakı rəqəm baş verdiyi ehtimal edilən pozuntuların yalnız bir hissəsini təşkil edir və münaqişədə tutulan uşaqlara qarşı törədilən cinayətlərin miqyasını əks etdirmir.
Taşa Gill UNİCEF-in fövqəladə hallarda uşaqların müdafiəsi üzrə baş məsləhətçisidir. O deyir ki, uşaqlar hər gün orta hesabla 71 təsdiqlənmiş ciddi pozuntunun qurbanı olurlar. Onun sözlərinə görə, hesabatda münaqişə zamanı 104 mindən çox uşağın öldürülməsi və xəsarətləri sənədləşdirilir.
“2016 və 2020-ci illər arasında bütün təsdiqlənmiş uşaq itkilərinin 82 faizi yalnız beş bölgədə baş verib: Əfqanıstan, İsrail və Fələstin Dövləti, Suriya, Yəmən və Somali. Onu da qeyd etmək lazımdır ki, bir çox uşaq birdən çox zorakılığa məruz qalır, bu da onların həssaslığını artırır”, – Gill bildirib.
O qeyd edir ki, uşaq oğurluğu tez-tez işə götürülmə və cinsi zorakılıq kimi digər zorakılıqlara səbəb olur. Hesabat münaqişə tərəfləri tərəfindən ən azı 25 700 uşaq oğurlamasını və bütün münaqişə tərəfləri tərəfindən əsgər kimi cəlb edilmiş 93 000-dən çox uşağın oğurlanmasını təsdiqləyib. Bundan əlavə, hesabatda uşaqların zorlandığı, zorla evləndirildiyi və cinsi istismara məruz qaldığı, ən azı 14 200 uşağın da cinsi zorakılığın digər formalarına məruz qaldığı bildirilir.
Gill bildirib ki, uşaqlar əsgər kimi işə götürülür və bir çoxlarından da döyüşən tərəflər tərəfindən hambal, cinsi kölə və elçi kimi istifadə olunur. O deyir ki, qanun pozuntularına son qoyulmalıdır.
UNİCEF münaqişə tərəflərini və dövlətləri beynəlxalq humanitar və insan hüquqları üzrə öhdəliklərinə əməl etməyə və uşaqların müdafiəsi üçün konkret tədbirlər həyata keçirməyə çağırır.
Agentlik bildirir ki, uşaqlara qarşı bəzi qanun pozuntularının qarşısının alınması, digərlərinə isə qanun pozuntusuna yol verən şəxslərlə əlaqə saxlamaqla onların qarşısı alınıb. Məsələn, son iyirmi ildə ən azı 170 000 uşağın silahlı qüvvələrdən və silahlı qruplardan azad edildiyini deyilir.