vaxtlı-vaxtında oxuyun! Şənbə, 20 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
DÜNYA  
13:15 | 17 iyul 2022 | Bazar Məqaləyə 735 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Göyərtədə 11 ton yük olub

Mərmi ləvazimatı daşıyan Ukrayna təyyarəsi Yunanıstanda qəzaya uğrayıb

MÖVZU İLƏ ƏLAQƏLİ

Ukraynaya məxsus An-12 yük təyyarəsi Yunanıstanın şimalında qəzaya uğrayıb. Hadisə şənbə günü axşam saatlarında baş verib. İlkin məlumata görə, təyyarədə 8 nəfər olub, onların hamısı həlak olub.

Ukrayna Xarici İşlər Nazirliyinin məlumatına görə, təyyarədə olanların hamısı Ukrayna vətəndaşları olub.

Ukraynanın “Meridian” aviaşirkətinə məxsus təyyarə Serbiyaya məxsus hərbi yükü Banqladeşə aparırmış.

Serbiya müdafiə nazirinin sözlərinə görə, təyyarədə artilleriya üçün mərmi yandırıcıları olub. Təyyarədə təxminən 11 tondan bir qədər artıq yük olduğu bildirilir.

Təyyarə qəzası ilə bağlı yayılan videoda onun hələ havada olarkən alovlandığı görünür. Yerə düşdükdən sonra güclü partlayış olub.

Yanğınsöndürmə işləri gecə boyu davam edib. Yerli hakimiyyət orqanları yaxınlıqdakı yaşayış məntəqələrinin sakinlərini maska taxmağa, pəncərə və qapıları açmamağa çağırıblar.

Qəzanın səbəbi hələ müəyyən edilməyib. Yunanıstan mətbuatı yazıb ki, Serbiyanın Nis şəhərindən havaya qalxdıqdan az sonra pilot Yunanıstan hava dispetçerindən mühərrik problemləri səbəbindən təcili eniş istəyib.

Təyyarə İordaniyanın paytaxtı Əmmana uçub. Yerli hakimiyyət nümayəndələrinin məlumatına görə, təyyarə orada yanacaq doldurmalı olub.