vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
TURİZM, DAŞIMAÇILIQ, NƏQLİYYAT  
20:16 | 20 iyul 2022 | Çərşənbə Məqaləyə 1295 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

AZAL yeni təyyarələr sifariş etdi

Sirkət dörd “Boeing 787-8 Dreamliner” alır

“Azərbaycan Hava Yolları” (AZAL) aviaşirkəti öz hava gəmiləri parkını dörd yeni müasir “Boeing 787-8 Dreamliner” avialayneri ilə genişləndirəcək.

“Azərbaycan Hava Yolları”nın mətbuat xidmətinin məlumatına görə, iyulun 20-də AZAL-ın prezidenti Cahangir Əsgərov və “Boeing Commercial Airplanes” şirkətinin prezidenti, mülki təyyarələr bölməsinin baş icraçı direktoru Sten Dil müvafiq anlaşma memorandumu imzalayıblar. Sənədin imzalanması Farnboroda keçirilən məşhur Aviasiya şousu (“Farnborough International Airshow” – Böyük Britaniya) çərçivəsində baş tutub.

Qeyd edilən növ hava gəmilərinin 2025-2030-cu illər ərzində Azərbaycana gətirilməsi nəzərdə tutulub.

“AZAL” postsovet məkanında “Boeing 787-8 Dreamliner” təyyarələrinin istismarına başlayan ilk aviaşirkətdir. Hazırda aviaşirkətdə bu tip iki layner istismar edilir.

Farnboro Beynəlxalq Aviasiya Şousu (“Farnborough International Airshow” (FİA)) Farnboro hava limanı ərazisində iki ildən bir keçirilir. Bu tədbir aerokosmik avadanlıq və texnologiyalar sahəsində ən mühüm ümumdünya platformasıdır. 2016-cı ildə FİA dünyanın ən böyük aviakosmik sənayesi sərgisi statusunu qazanıb.