vaxtlı-vaxtında oxuyun! Şənbə, 26 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
BÖHRAN  
23:36 | 22 avqust 2022 | Bazar ertəsi Məqaləyə 2515 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Primitiv və ironiya doğuran açıqlama

Müharibə çox təhlükəli məcraya sürüklənir

Elçin ALIOĞLU

MÖVZU İLƏ ƏLAQƏLİ

“Gümanımda yanılmadım”. Çoxumuz bu ifadəni qürurla deyirik. Amma bunu etiraf etmək mənim üçün bəzən kədərli və üzücüdür.

Duqinlə bağlı yazımdan əvvəl müsahibə verirdim. Dedim ki, Rusiyanın hakimiyyət dairələri Aleksandr Duqinin qızı Darya Duqinaya qarşı terror aktında mütləq, amma mütləq Ukraynanı suçlayacaqlar, Hətta həmin hipotetik şübhəli şəxsin “Azov” alayının mənsubu olduğu deyilərsə, təəccüblənmərəm.

Belə də oldu və bir neçə saat sonra Rusiyanın Federal Təhlükəsizlik Xidməti geniş bəyanatla çıxış edərək “Jurnalist Darya Duqinanın qətlinin üstü açılıb, sui-qəsdi Ukrayna xüsusi xidmət orqanları hazırlayıb, 1979-cu il təvəllüdlü Ukrayna vətəndaşı Natalya Vovk icra edib”, – dedi.

Primitiv, bəsit və ironiya doğuran açıqlamadır.

Sən demə, Vovk qızı ilə Moskvada mərhumun yaşadığı evdə mənzil kirayələyib. Cinayətkarlar jurnalisti təqib etmək üçün “Mini Cooper” markalı avtomobildən istifadə ediblər. Onlar Rusiyaya girişdə qondarma “Donetsk Xalq Respublikası”na məxsus E982XN DPR dövlət nömrə nişanı, Moskvada Qazaxıstana məxsus 172AJD02 dövlət nömrə nişanı, çıxışda isə Ukraynaya məxsus AH7771IP dövlət nömrə nişanından istifadə ediblər.

Sadəcə, bu nömrə kaleydoskopu yetər ki, şübhələr artsın.

Duqin təki tanınmış, mühafizə olunan şəxsə qarşı qəsd hazırlayanın (və ya hazırlayanların) Rusiyada yerli avtomobil nömrələrindən yox, üç müxtəlif nömrələrdən yararlanmaları ifrat sadəlövhlük təsiri bağışlayır.

Belədə Vovkun vizit kartının tapılmaması sual yaranır: axı o, müxtəlif müşahidə kameralarına düşübsə, görüntülənibsə, Rusiyaya bir avtomobil nömrəsi ilə girib Ukrayna (!) nömrəsi ilə çıxıb Estoniyaya (!) yollanırsa, nədən bəyanat, yaxud açıqlama da yayıb, sonra getməyib?

Suallar çoxdur, lakin mühüm olan bu deyil.

Ukraynanın xüsusi xidmət strukturlarının D.Duqinaya qarşı teraktda suçlanması Ukrayna müharibəsini çox təhlükəli məcraya sürükləyir.

Kiyev “bütün qırmızı cizgiləri” keçməkdə suçlanıb və Rusiyanın federal telekanallarındakı propaqandonlar artıq “Kiyevə ağır qisas zərbələrinin vurulması”nı, “Ukraynanın hakimiyyətinin yerləşdiyi binaların bombalanması”nı istəyirlər.

Məzkur “istək” fərdi təşəbbüs deyil – kütlənin beyninə yeridilən, Overton pəncəərəsi metoduna uyğun tezisdir.

Ukrayna rusiyalılara terrorçu, Moskvada jurnalist qıza qarşı terakt hazırlayaraq onu qətlə yetirən “məşum terrorçu dövlət” kimi təqdim olunur.

Yəni Ukraynada hakimiyyət və siyasət mənsublarına qarşı sui-qəsd opsiyalarını legitimləşdirməyə cəhd göstərilir.

Bu isə təhlükəlidir. Çox təhlükəlidir.