vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
DÜNYA  
11:58 | 8 noyabr 2022 | Çərşənbə axşamı Məqaləyə 652 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Biz cəhənnəm yolundayıq”

BMT baş katibi: “Həyatımızın mübarizəsindəyik və məğlub oluruq”

MÖVZU İLƏ ƏLAQƏLİ

Misirin Şarm əl-Şəkih şəhərində Qlobal İqlim Sammiti keçirilir və Birləşmiş Millətlər Təşkilatının Baş katibi Antonio Quterreş bazar ertəsi xəbərdarlıq edib ki, dünya dövlətləri, xüsusən də ən zəngin ölkələr ekoloji dağıntıların qarşısını almaq üçün tez hərəkət etməlidirlər.

BMT-nin rəhbərlik etdiyi illik beynəlxalq danışıqlarda Quterreş deyib: “Biz iqlim cəhənnəmi yolundayıq, ayağımız sürətləndiricidədır. Həyatımızın mübarizəsindəyik və məğlub oluruq”.

Bu il müzakirələrin mövzusu istixana qazları emissiyalarının ən böyük payına sahib olan dünyanın ən zəngin, sənayeləşmiş ölkələrinin, o cümlədən ABŞ-ın tez-tez iqlim dəyişikliyindən əziyyət çəkən yoxsul ölkələrə necə və nə dərəcədə yardım etməli olmasıdır.

Ümumdünya Meteorologiya Təşkilatı Yer kürəsinin 2015-ci ildə Paris iqlim dəyişikliyi sazişini təsdiqləməsindən sonrakı dövrü əhatə edən ən isti səkkiz ilinin şahidi olduğunu deyib. Sənəddə təmiz enerji mənbələrinə çevrilməsi, qlobal istiləşmənin sürətini azaltmaq üçün qalıq yanacaqlardan istifadənin azalması ilə istixana qazı emissiyalarının azaldılmasını nəzərdə tutur.

Bir hesablamaya görə, dünyanın iqlim məqsədlərinə çatmaq üçün qarşıdakı üç ildə təxminən 3,8 trilyon dollar illik investisiyaya ehtiyac var.

Lakin Rokfeller Fondu və BCG Araşdırmasının yeni hesabatında deyilir ki, bu pulun yalnız 16%-i mövcuddur.

BMT 110 dövlət və hökumət başçısının konfransda çıxış etməyi planlaşdırdığını bildirib ki, bu, bir çox əvvəlki iqlim konfranslarında olduğundan daha çoxdur. ABŞ prezidenti Co Bayden cümə günü konfransda iştirak etməyi planlaşdırır.

Konfrans rəsmi olaraq bazar günü açılıb.